४ असार २०८२, बुधबार
एजेन्सी। इजिप्टका विदेशमन्त्री बद्र अब्देलाट्टी र रुसी समकक्षी सर्गेई लाभरोभले इरान र इजरायलबीचको तनाव रोक्न आह्वान गरेका छन् ।
राजनीतिक र कुटनीतिक समाधान र वार्तामा फर्कन आग्रह समेत गरेका छन् । फोन वार्ताको क्रममा दुई मन्त्रीहरूले संकटको समाधान सैन्य शक्ति नभएकोमा जोड दिए ।
युद्धले क्षेत्रीय सुरक्षा र स्थिरतामा गम्भीर परिणाम ल्याउनसक्ने बताए । अब्देलाट्टी र लाभरोभ दुवैले शान्ती पुनस्र्थापना गर्नु नै हालको द्वन्द्वलाई छिमेकी देशहरू र धेरै क्षेत्रमा विस्तार हुनबाट रोक्ने एकमात्र तरिका भएको बताए ।
इरान र इजरायलबीचको घातक हवाई द्वन्द्व पाँचौं दिनमा प्रवेश गरेको छ । इरानमा कम्तिमा २ सय ४४ जना र इजरायलमा २४ जनाको मृत्यु भएको छ । जुन १३ मा इजरायलले इरानभर गरेको अचानक हवाई आक्रमणपछि तनाव बढेको थियो ।
प्रकाशित मिति: ४ असार २०८२, बुधबार
