३ असार २०८२, मंगलवार
एजेन्सी। टर्की राष्ट्रपति रेसेप तैयप एर्दोगानले रुसी राष्ट्रपति भ्लादिमिर पुटिन र इरानी राष्ट्रपति मसूद पेजेश्कियानसँग छुट्टाछुट्टै टेलिफोन वार्ता गरेका छन् ।
इजरायल र इरानबीच बढ्दो द्वन्द्वको कुटनीतिक समाधानको लागि आग्रह गरेका हुन् । पुटिनसँगको कुराकानीमा एर्दोगानले इरान विरुद्ध हालैका इजरायली कारबाहीहरूलाई हिंसाको खतरनाक चक्रका रुपमा वर्णन गरे । यसले क्षेत्रीय सुरक्षालाई जोखिममा पार्ने बताए । टर्कीका नेताले आफ्नो राष्ट्रले निरन्तर कुटनीतिक माध्यमहरूलाई प्राथमिकता दिएको कुरामा जोड दिँद इरानसँगको तनाव कम गर्ने एक मात्र तरिका संवाद रहेको बताए ।
एर्दोगानले इजरायल इरान द्वन्द्वमा ध्यान केन्द्रित गर्दा गाजामा चलिरहेको मानवीय संकटबाट अन्तर्राष्ट्रिय ध्यान हटाउन सक्ने चिन्ता पनि व्यक्त गरे । इरानी राष्ट्रपतिसँगको आफ्नो वार्तामा एर्दोगानले तनाव कम गर्न र आणविक वार्तामा फर्कन समर्थन गर्न आग्रह गरे ।
प्रकाशित मिति: ३ असार २०८२, मंगलवार
