२ असार २०८२, सोमबार
एजेन्सी। इजिप्टका राष्ट्रपति अब्देल फताह अल सिसीले इजरायली सैन्य कारबाही रोक्न आग्रह गरेका छन् ।
इजिप्टका राष्ट्रपतिले आफ्ना साइप्रस समकक्षी निकोस क्रिस्टोडौलिड्ससँगको फोन वार्तामा उक्त टिप्पणी गरेका हुन् । निरन्तर तनावले क्षेत्रका सबै जनतालाई गम्भीर र भयानक हानि पुर्याउने बताए ।
इजिप्टका नेताले यस क्षेत्रमा सुरक्षा र स्थिरता सुनिश्चित गर्न शान्तिपूर्ण समाधान एकमात्र व्यवहार्य माध्यम रहेकोमा जोड दिए ।
अन्तर्राष्ट्रिय समुदायलाई जिम्मेवारीपूर्वक कार्य गर्न बाध्य पार्न थप सक्रिय भुमिका खेल्न आह्वान गरे ।
सिसीले ओमानको मध्यस्थतामा अमेरिका–इरानी आणविक वार्ता पुनः शुरु गर्ने तत्काल आवश्यकतालाई पनि दोहोर्याए ।
प्रकाशित मिति: २ असार २०८२, सोमबार
