पश्चिमी मरुभूमिमा नयाँ तेल खानी भेटिएको इजिप्टको घोषणा

एजेन्सी। इजिप्टियन जनरल पेट्रोलियम कर्पोरेशनले पश्चिमी मरुभूमिको अबु सेनान क्षेत्रमा नयाँ तेल खानी खोज गरेको बताएको छ ।

इजिप्टको पेट्रोलियम तथा खनिज स्रोत मन्त्रालयले आईतवार यो घोषणा गरेको हो । प्रारम्भिक परीक्षण नतिजाहरू अत्यधिक आशाजनक रहेको बताइएको छ। जसले दैनिक उत्पादन दर १ हजार ४ सय ब्यारेल कच्चा तेल र बहरिया संरचनाबाट लगभग दश लाख घन फिट ग्यासको संकेत गर्दछ । तत्काल उत्पादन बाहेक यो खोजले इजिप्टको तेल भण्डारमा पर्याप्त २० लाख पुनः प्राप्ति योग्य ब्यारेल थप्ने अपेक्षा गरिएको छ ।

भूमध्यसागरमा रहेको जोहर ग्यास क्षेत्रसहित हालैका वर्षहरूमा देशमा प्रमुख खोजहरू गरिएपछि इजिप्टले तेल र तरल प्राकृतिक ग्यासको लागि क्षेत्रीय व्यापार केन्द्र बन्ने लक्ष्य राखेको छ । जसले अनुमानित ३० ट्रिलियन घन फिट ग्यास राख्छ ।