३१ जेष्ठ २०८२, शनिबार
एजेन्सी। विद्रोही समूह, मार्च २३ आन्दोलनका नेताहरूले पूर्वी प्रजातान्त्रिक गणतन्त्र कंगोमा जारी संकटलाई शान्तिपूर्ण माध्यमबाट समाधान गर्न आफ्नो इच्छा व्यक्त गरेको संयुक्त राष्ट्र संघका एक वरिष्ठ अधिकारीले बताएका छन् ।
जनवरीको अन्त्यदेखि विद्रोही शासनमा रहेको उत्तरी किभु प्रान्तको राजधानी गोमा शहरमा एम २३ र एम २३ सँग सम्बन्धित राजनीतिक सैन्य समूह कंगो नदी गठबन्धनको नेतृत्वसँगको बैठकपछि डिआरसीमा संयुक्त राष्ट्र संघका महासचिवका विशेष प्रतिनिधि बिन्टोउ केइटाले पत्रकार सम्मेलनमा यो बयान दिएका हुन् । एएफसी/एम २३ का नेताहरूले वार्तामा संलग्न हुन र शान्तिपूर्ण समाधान खोज्न आफ्नो तत्परता व्यक्त गरेका छन् । प्रजातान्त्रिक गणतन्त्र कंगोमा संयुक्त राष्ट्र स्थिरीकरण मिसनको पनि प्रमुख रहेका केइटाका अनुसार डिआरसी सेना र राष्ट्रिय प्रहरीका कुल १ हजार ३ सय ५९ कर्मचारीहरूलाई हालै गोमाबाट देशको राजधानी किन्शासामा स्थानान्तरण गरिएको छ । स्थानान्तरणलाई रेडक्रसको अन्तर्राष्ट्रिय समिति, डिआरसी सरकार, एएफसी÷एम २३ र मोनुस्कोले सहजीकरण गरेको थियो ।
मोनुस्को तनाव कम गर्न मद्दत गर्ने सबै पहलहरूलाई समर्थन गर्न प्रतिवद्ध रहेको बताए ।
प्रकाशित मिति: ३१ जेष्ठ २०८२, शनिबार
