२९ जेष्ठ २०८२, बिहीबार
काठमाडौँ। नेपाली काँग्रेसका महामन्त्री विश्वप्रकाश शर्माले विद्यालय शिक्षा विधेयक शिक्षकहरुसँग भएका सम्झौताहरु अक्षरशः लागू गर्दै संसदबाट पारित हुने बताएका छन् ।
बिहीवार काठमाडौंमा नेपाल शिक्षक संघ संघीय कार्यसमितिको २४ औं संघीय प्रतिनिधि सभामा बोल्दै उनले यस्तो बताएका हुन् । महामन्त्री शर्माले समाज र देश बनाउन सबै एकसाथ भएर लाग्नुपर्ने बताए । उनले देश समृद्ध बनाउन बाटो बनाउनुपर्ने, बिजुली उत्पादन गर्नुपर्ने, रोजगारी सिर्जना गर्नुपर्ने जरुरी रहेको बताए । सामाजिक रुपान्तरणको मुद्दाको सबैभन्दा सशक्त झण्डा भने शिक्षकहरुले मात्रै उठाउनसक्ने बताए । राजनीति र विद्यालय बीचको सहकार्य विषय सामाजिक रुपान्तरण भएको उल्लेख गरे । स्थानीय तह र विद्यालयबीचको सहकार्यको विषय भनेको सामाजिक रुपान्तरण भएको बताए ।
महामन्त्री शर्माले भने , ‘यो समाज र यो देश बनाउनु छ भने बाटो पनि बनाऔँ, बिजुली पनि बनाऔँ । रोजगारी सिर्जना गर्ने काम पनि गरौँ । तर सामाजिक रुपान्तरणको मुद्दाको सबैभन्दा सशक्त झण्डा कसैले उठाउँछ भने शिक्षक संघले नै हो । गाउँ गाउँमा उठाउँछ । राजनीति र विद्यालय बीचको सहकार्य विषय सामाजिक रुपान्तरण हो । स्थानीय तह र विद्यालयबीचको सहकार्यको विषय भनेको सामाजिक रुपान्तरण हो । शिक्षा विधेयक जे प्रक्रियामा गएको छ, जे सम्झौतामा गएको छ, अक्षरशः दायाँ,बायाँ नभइकन तपाईंको हातमा पर्नेगरी संसदबाट हामी टुंग्याउँछौँ । ’
महामन्त्री शर्माले सामाजिक रुपान्तरणको मुद्दा शिक्षकहरुको बन्नुपर्ने बताएका छन् ।
प्रकाशित मिति: २९ जेष्ठ २०८२, बिहीबार
