२९ जेष्ठ २०८२, बिहीबार
एजेन्सी। पेन्टागनले बुधवार औपचारिक रूपमा एयुकेयुएस सुरक्षा सम्झौताको समीक्षा शुरु गरेको पुष्टि गरेको छ ।
यो सम्झौता सन् २०२१ मा जो बाइडेन प्रशासनले बेलायत र अष्ट्रेलियासँग गरेको थियो । रक्षा सचिव पिट हेज्सेथले यसको अर्थ आफ्ना सैनिक सदस्यहरूको उच्चतम तयारी सुनिश्चित गर्नु, सहयोगी राष्ट्रहरूले सामूहिक रक्षाको लागि पूर्ण रूपमा आफ्नो भुमिका निर्वाह गर्नु र रक्षा औद्योगिक आधारले आवश्यकताहरू पूरा गर्नु रहेको बताए ।
सन् २०२१ को सेप्टेम्बरमा घोषणा गरिएको त्रिपक्षीय एयुकेयुएस गठबन्धनअन्तर्गत अष्ट्रेलियाले संयुक्त राज्य अमेरिका र बेलायतले प्रदान गरेको प्रविधिको प्रयोग गरी आणविक शक्ति चालित पनडुब्बीहरू निर्माण गर्न सक्नेछ ।
एयुकेयुएस सम्झौतामा संयुक्त राज्य अमेरिका र बेलायत, दुई आणविक हतियार भएका राष्ट्रहरूबाट, गैर आणविक हतियार भएको राष्ट्र अष्ट्रेलियालाई चार टनसम्म हतियार–ग्रेड उच्च समृद्ध युरेनियम हस्तान्तरण गर्ने समावेश छ ।
प्रकाशित मिति: २९ जेष्ठ २०८२, बिहीबार
