२८ जेष्ठ २०८२, बुधबार
एजेन्सी। प्यालेस्टिनी अधिकारीकाअनुसार उत्तरी वेस्ट बैंकको पुरानो शहर नाब्लसमा इजरायली सेनाले आक्रमण गर्दा एक प्यालेस्टिनी व्यक्तिको मृत्यु भएको छ भने अर्का एक घाइते भएका छन् ।
नाब्लसका गभर्नर घासन दाघलासले बताएअनुसार इजरायली सेनाले शहरमा दुई युवाहरूलाई गोली हानेर हिरासतमा लिएको छ । तीमध्ये एकको पछि मृत्यु भएको पुष्टि भएको छ भने अर्काको अवस्था अज्ञात छ ।
प्यालेस्टिनी सुरक्षा स्रोतहरूकाअनुसार इजरायली सेनाले मंगलवार नाब्लसमा धेरै घण्टासम्म ठूलो मात्रामा सैन्य कारबाही गरेको थियो । दाघलासले इजरायली सेनाले पुरानो शहरका छिमेकीहरूमा छापा मारेको, सयौं घरहरूमा तोडफोड गरेको र सम्पती नष्ट गरेको उल्लेख गरे ।
प्रकाशित मिति: २८ जेष्ठ २०८२, बुधबार
