२३ जेष्ठ २०८२, शुक्रबार
काठमाडौँ। राष्ट्रिय सभामा नेकपा (एकीकृत समाजवादी) की सांसद जयन्तीदेवी राईले सार्वजनिक क्षेत्रहरूलाई निजीकरण गर्ने कार्यक्रमले समाजवाद निर्माण नहुने बताएकी हुन् ।
शुक्रवारको राष्ट्रिय सभा बैठकमा आर्थिक वर्ष २०८२÷०८३ को राजश्व र व्ययको वार्षिक अनुमानमाथिको छलफलमा भाग लिँदै उनले यस्तो बताएकी हुन् । उनले निजी क्षेत्रलाई बेवास्ता नभई व्यवस्थित गर्नुपर्ने बताईन । उनले समाजवाद निर्माणको लागि सार्वजनिक क्षेत्रहरूलाई नै बढी मात्रामा व्यवस्थित बनाएर लैजानुपर्नेमा जोड दिँदै तब मात्र जनताहरूको हरेक कुरामा सुलभ ल्याउन सकिने विश्वास व्यक्त गरीन । सांसद राईले सरकारले ल्याएको बजेट व्यापारमुखी बनेको बताईन । उनले दुई तिहाइको बलियो सरकारले आशा बाँड्ने नभएर विश्वास पैदा गर्ने बजेट ल्याउनुपर्नेमा त्यसो नभएको बताएकी हुन् । उनले बजेटले नागरिकका एजेण्डाहरूलाई समाधान तथा सम्बोधन नगरेको दाबी गरीन ।
उनले भनीन, “दुई तिहाइको बलियो सरकारलाई हामी आग्रह गर्न चाहन्छौँ, आशा बाँड्ने होइन, विश्वास पैदा गर्ने खालको बजेट आउनुप¥यो । कसैले रोक्न सक्ने खालको छैन, यहाँ । तर, आज यो बजेटले हामीले चाहेको जस्तो, एजेन्डाको समाधान, सम्बोधन गरेको छ जस्ता मलाई लाग्दैन । आज यो बजेट व्यापारमुखी बनेको छ । समाजवाद निर्माणका स्तम्भहरू जुन छन् । आज सार्वजनिक क्षेत्रहरूलाई निजीकरण गर्ने कार्यक्रमले आज समाजवाद निर्माण हुँदैन । निजी क्षेत्रलाई पनि बेवास्ता होइन व्यवस्थित गर्नुपर्छ । तर आज हामीले समाजवाद निर्माणको लागि सार्वजनिक क्षेत्रहरूलाई नै बढी मात्रामा व्यवस्थित बनाएर लैजानुपर्छ र जनताहरूको हरेक कुरामा सुलभ ल्याउन सकिन्छ ।”
उनले कृषि उत्पादनलाई औद्योगिकीकरण नगरेसम्म आत्मनिर्भर बन्न नसकिने बताईन ।
प्रकाशित मिति: २३ जेष्ठ २०८२, शुक्रबार
