२१ जेष्ठ २०८२, बुधबार
काठमाडौँ। राष्ट्रिय योजना आयोगका उपाध्यक्ष डा. शिवराज अधिकारीले अनुगमन तथा मूल्यांकनमा आफूहरु निर्मम भएर लाग्ने बताएका छन्।
राजधानीमा आयोजित एक कार्यक्रमलाई सम्बोधन गर्दै उनले बजेटमा तीन करोड मुनिका आयोजना नराख्न आयोगले धेरै मेहनत गरेर सफल भएको बताए । कानूनहरु सहजीकरण गर्नका लागि बनाइनुपर्ने भन्दै बद्मास भए निर्मम तरिकाले सजाय दिनुपर्ने माग गरे ।
उनले अब स्रोत सुनिश्चित भएका आयोजनाहरुको अनुगमन र मूल्यांकनमा आफू निर्मम हुने बताए ।
उपाध्यक्ष अधिकारीले भने ;तीन करोड मुनीका आयोजनालाई बजेटमा नराख्न धेरै मेहनत गर्नुपर्यो । यो सफल हुदैन भनेर धेरैले भन्थे पनि तर सफल भएरै छाड्यो र अब हामी योजना आयोग मोनिटरी सुपरिभिजन योजना आयोगको काम हो । अर्ब निर्मम तरिकाले गछौंँ हामी । स्रोत सुनिश्चित गरेपनि कुनकुन ठाउँमा कसरी आयोजना अघि बढेका छन । हामीले निर्मम रुपमा हेर्छौं ।’
उनका अनुसार निर्माण व्यवसायी पहिल्यै बद्मास हुन्छन् भनेर कानून बनाइँदा समस्या भएको समेत बताए ।
प्रकाशित मिति: २१ जेष्ठ २०८२, बुधबार
