चीनमा पहिरोमा परी ३ जनाको मृत्यु, ७ जना बेपत्ता

एजेन्सी। दक्षिणपश्चिम चीनको सिजाङ स्वायत्त क्षेत्रमा पहिरोमा परी तीन जनाको मृत्यु , दुई जना घाइते र सात जना बेपत्ता भएको स्थानीय अधिकारीहरूले बताएका छन् ।

क्वाम्डो शहरको क्षेत्राधिकार अन्तर्गत पर्ने डेङ्क्वेन काउन्टीको मुता टाउनशिपमा राति करिव ९ः३० बजे पहिरो गएको थियो । घाइतेहरूको अस्पतालमा अवस्था स्थिर छ । एम्बुलेन्स, उत्खननकर्ता र दूरसञ्चार तथा बिजुली आपूर्ति सुविधाहरूको सहयोगमा लगभग ५ सय उद्धारकर्ता, चिकित्साकर्मी र अग्निनियन्त्रकहरू, साथै स्निफर कुकुरहरू खोज तथा उद्धार कार्यमा संलग्न छन् । क्वाम्डो शहर सरकारले आपतकालीन विपद् राहतका लागि ५० लाख युआन (लगभग ६ लाख ९६ हजार अमेरिकी डलर) छुट्याएको छ ।

पानी तथा प्राकृतिक स्रोत विभागका विज्ञहरूले अनुमान गरेका छन् कि पहिरोले लगभग २ लाख घनमिटर माटो र ढुङ्गाहरू विस्थापित गरेको छ । उनीहरूले सम्भावित दोस्रो पहिरो जोखिमहरू पनि पहिचान गरेका छन् ।