१६ जेष्ठ २०८२, शुक्रबार
काठमाडौँ। प्यालेस्टिनी स्रोतहरूकाअनुसार गाजा शहर र मध्य गाजामा इजरायली हवाई आक्रमणमा बिहीवार ३३ जना प्यालेस्टिनीको मृत्यु भएको छ।
स्थानीय चिकित्सा स्रोत र प्रत्यक्षदर्शीहरूले बताएअनुसार बिहीवार दिउँसो इजरायली ड्रोन आक्रमणमा मध्य गाजा शहरको सबैभन्दा व्यस्त चौबाटोहरू मध्ये एक अल–सराय जंक्शनमा भेलालाई लक्षित गरिएको छ । जसमा कम्तिमा १० प्यालेस्टिनीको मृत्यु भएको थियो र दर्जनौं घाइते भएका छ। हमासले एक प्रेस विज्ञप्तिमा भनेको छ कि इजरायली हवाई आक्रमणले चोरहरूको समूहको सामना गरिरहेका आफ्ना धेरै सदस्यहरूलाई लक्षित गरेको छ । जसको परिणामस्वरूप धेरै प्रहरी अधिकारीहरू र यात्रुहरूको मृत्यु भएको छ । साथै बिहीबार प्रत्यक्षदर्शीहरूले सिन्ह्वालाई बताए कि इजरायली युद्धक विमानहरूले मध्य गाजामा रहेको अल–बुरेज शरणार्थी शिविरको पूर्वमा अलकर्नावी परिवारको आवासीय घरमा कम्तिमा दुईवटा मिसाइल प्रहार गरे । जसबाट त्यहाँका बासिन्दाहरू सहितको घर ध्वस्त भयो र छिमेकी घरहरूमा उल्लेखनीय क्षति पुगेको छ ।
मार्च १८ मा शुरु भएको गाजामा इजरायलको दोस्रो चरणको आक्रमणमा हालसम्म ३ हजार ९ सय ८६ प्यालेस्टिनीको मृत्यु भएको छ भने ११ हजार ४ सय ५१ जना घाइते भएका छन् ।
प्रकाशित मिति: १६ जेष्ठ २०८२, शुक्रबार
