नीति तथा कार्यक्रम सन्तुलित र प्रतिफलमुखीः योगेश भट्टराई

काठमाडौँ। नेकपा एमालेका सांसद योगेश भट्टराईले सरकारले सार्वजनिक गरेको नीति तथा कार्यक्रम सन्तुलित भएको बताएका छन् ।

शुक्रवार सङ्घीय संसद्को संयुक्त बैठकमा सरकारले प्रश्तुत गरेको आगामी आर्थिक वर्ष २०८२/०८३ को नीति तथा कार्यक्रमका बारेमा पत्रकारहरुलाई संक्षिप्त प्रतिक्रिया दिँदै उनले नीति तथा कार्यक्रममा शिक्षा र स्वास्थ्यका विषयमा बढी जोड दिएको बताएका छन् । उनले शिक्षालाई व्यावसायिक र प्राविधिक धारको रुपमा विकास गर्ने नीतिमा आएको बताउंदै १२ कक्षा उत्तिर्ण गरेका विद्यार्थीलाई आत्मनिर्भर हुने गरी स्वरोजगारको व्यवस्था गर्ने सकारात्मक पक्ष भएको जिकिर गरेका छन् । उनले स्वास्थ्य सेवालाई सहज बनाउन स्वास्थ्य बीमा कार्यक्रममा जोड दिएको र राष्ट्रिय गौरवका आयोजनाहरुको पूर्वाधार विकासलाई प्राथमिकिकरण गरी प्रतिफलमुखी बनाउन नीति तथा कार्यक्रममा जोड दिएको उनको भनाइ छ ।

उनले भने, ‘यस पटकको नीति कार्यक्रम अलि सन्तुलित छ । अलिकति कम्प्रिहेन्सिप ढंगले आएको छ । विगतमा छरपस्ट रुपमा आउथे, त्यसलाई प्राथमिकिकरण भयो यसपटक । प्राथमिकिकरण गरेको हुनाले अलि छोटो र स्फुर्तिलो पनि छ । विशेष गरी शिक्षामा स्वास्थ्यमा ज्यादा जोड गरेको छ । र पूर्वधारको सन्दर्भमा के भनिएको छ भने अब यसलाई प्राथमिकिकरण गर्नुप¥यो, जथाभावी भनेर पूर्वाधार भनेर हामीले जुन काम गरेका छौँ त्यसले प्रतिफलहरु दिएन, त्यसले गर्दा पूर्वाधारका काममा राष्ट्रिय महत्वका योजनामा पनि प्राथमिकिकरण हुनुप¥यो जस्ले प्रतिफल दियोस् आमजनतालाई व्यावसायिक ढंगले नजिक ल्याउन सकोस् भन्ने ढंगले प्राथमिकिकरण गरेको छ ठूला आयोजनाहरुलाई । राष्ट्रिय गौरवका आयोजना जुन २५–२६ वटा बनाइएको छ त्यसलाई पनि शुत्रवद्ध गर्ने काममा जोड दिएको छ । स्वास्थ्य सेवालाई आम मान्छेमा पु¥याउन र सर्वसुलभ बीमा लगायतका कार्यक्रमलाई जोड दिएको छ । कतिपय ठूला रोगहरुलाई निःशुल्क उपचारको सन्दर्भलाई पनि नीतिले केही बोलेको छ । शिक्षालाई व्यावसायिक प्राविधिक धारको रुपमा विकास गरेर कमसेकम प्लस टू गरेको विद्यार्थीलाई आफ्नो खुट्टामा उभिन सक्ने स्वरोजगार हुन सक्ने बनाउने दिशातिर जोड गरेको छ ।’

सांसद भट्टराईले विगतका सरकारले ल्याएको कतिपय कार्यक्रमहरुको निरन्तरता पनि हुने भएकाले नीति तथा कार्यक्रम परम्परागत जस्तो देखिएको बताएका छन्।