श्वास फेर्न संघर्ष गर्दै प्यालेस्टिनी परिवार

प्यालेस्टिनी । मध्य गाजापट्टीको देइर अल–बालाहबाट विस्थापित प्यालेस्टिनीहरु जीवनयापनका लागि संघर्ष गरिरहेका छन् । बालबालिकाहरु आफ्नो भविष्य अन्धकारमा राखेर श्वास फेर्न संघर्षरत छन् । सेप्टेम्बर ३ मा, इजरायली सेनाले देर अल–बालाहमा अल–डोकी परिवारको घरमा आक्रमण गरेको थियो । हानानकी आमा शिमाको हत्या ग¥यो । उनकी कान्छी बहिनी र उनका बुबा गम्भीर रूपमा घाइते हुनुभयो । उनकी बहिनी मिस्कले इजरायली आक्रमणमा आफ्नो देब्रे खुट्टा गुमाइन् ।

बुबा गम्भीर चोटका साथ सघन हेरचाह इकाईमा हुनुहुन्छ । अहिले उनको परिवारलाई हातमुख जोड्नै समस्या परेको छ । उनीमात्रै होइन यस्ता परिवार यतिबेला गाजापट्टीमा प्रशस्तै छन् । उनीहरु खानेकुरा, बस्ने ठाउँ र स्वास्थ्योपचारबाट वञ्चित छन् । बालबालिकाहरु आफ्नो जीवन अन्धकारमा राख्न बाध्य छन् । इजरायलले अक्टोबर ७, २०२३ मा दक्षिणी इजरायली सिमानामा हमासको हमलाको विरुद्धमा बदला लिन गाजा पट्टीमा हमास विरुद्ध आक्रमण गरेको थियो ।