२८ भाद्र २०८१, शुक्रबार
काठमाडौं। भौतिक पूर्वाधार तथा यातायातमन्त्री देवेन्द्र दाहालले भौतिक पूर्वाधारहरुका संरचना बनाउँदा सन्तुलित विकासको अवधारणा अनुसार गरिने बताएका छन् ।
बिहीवार पाँचौ नेपाल पूर्वाधार सम्मेलनमा बोल्दै मन्त्री दाहालले सडक र भवन लगायतका संरचनाहरु बनाउँदा सन्तुलित विकासका अवधारणा अनुसार विकासका काम अगाडी बढाउने बताएका छन् । उनले नया संरचना अन्तर्राष्ट्रिय मापदण्ड अनुसार बनाउने गरी डिजाइन गर्न शुरु गरेको बताउदै एक सय वर्ष पछिका आवश्यकता र प्रविधि अनि विकासका सम्भावना र चुनौतीहरुलाई मध्यनजर गरी बनाउने सरकारको योजना रहेको स्पष्ट पारेका छन् ।
मन्त्री दाहाललेअब बन्ने पूर्वाधारहरु जलवायु अनुकुलन र जलवायु परिवर्तनसँग सम्बन्धित चुनौतीहरुको सामना गर्ने हुनुपर्छ भन्ने सोचाई सरकारको रहेको बताउदै उनले पूर्वाधारहरु विपद् जोखिम न्युनिकरण र प्रदुषणरहित प्रविधिका सिद्धान्त अवलम्वन गरी निर्माण गर्नुपर्नेमा जोड दिएका छन् । उनले सडक सुरक्षामा सडक डिजाइन, निर्माणका अन्तर्राष्ट्रिय मापदण्डहरु अवलम्वन गर्न कडाइका साथ लागि परेको जानकारी गराएका छन् । मन्त्री दहालले सडक सुरक्षा ऐन छिट्टै सदनमा ल्याउने तयारीमा रहको पनि उल्लेख गरेका छन् ।
उनले पूर्वाधारहरु निर्माणमा मानविय सुरक्षा मापदण्ड निर्धारणमा विशेष योजना बनाई कडाइका साथ लागु गर्नुपर्ने बताएका छन् ।
प्रकाशित मिति: २८ भाद्र २०८१, शुक्रबार
