विधि र प्रक्रिया पूरा गरेर समयकाे मागअनुसार संविधान संशाेधनः उपप्रधान मन्त्री सिंह

काठमाडाैं । उपप्रधान एवं सहरी विकास मन्त्री प्रकाशमान सिंहले विधि र प्रक्रिया पूरा गरेर समयकाे मागअनुसार संविधान संशाेधन हुन सक्ने बताउनुभएकाे छ । आज ललितपुरमा किरात राई यायाेक्खा ३७ ओै स्थापना दिवसकाे अवसरमा आयाेजित कार्यक्रमका प्रमुख अतिथि उपप्रधानमन्त्री सिंहले यस्ताे बताउनुभएकाे हाे । उहाँले संविधान बनाएर मात्र नहुने भन्दै संविधानकाे कार्यान्वयनमा ध्यान दिनुपर्नेमा जाेड दिनुभएकाे छ।

`हामीले संविधानसभाबाट जनताले चुनेका प्रतिनिधिबाट संघीय लाेकतान्त्रिक गणतन्त्रात्मक संविधान जारी गर्याै । अब संविधानकाे कार्यान्वयनमा ध्यान दिन जरूरी छ ,´ उपप्रधानमन्त्री सिंहले भन्नुभयाे । उहाँले समयकाे माग र जनचाहना बमोजिम संविधानकाे संशाेधन गर्न सकिने व्यवस्था संविधानले नै गरेकाे भन्दै त्यसका लागि निश्चित विधि र प्रक्रिया पूरा गर्नुपर्ने भन्दै संविधानकाे मर्म पनि बुझ्नुपर्ने बताउनुभयाे । समाजमा रहेकाे द्वन्द मेटिने र सबैकाे पहिचान भेटिने अवस्था बनाउनुपर्नेमा सबैकाे ध्यान जानुपर्नेमा उहाँले जाेड दिनुभयाे ।