सहकारी ठगीको आरोपबारे समितिमा गृहमन्त्रीको जवाफ-‘मेरो नाम बाहेक केही छैन’

काठमाडाैं । उपप्रधानमन्त्री एवं गृहमन्त्री रवि लामिछानेले सहकारी ठगीमा आफ्नो कुनै संलग्नता नरहेको बताएका छन् । संसद्को राज्यव्यवस्था समितिको आजको बैठकमा कांग्रेस सांसदले उठाएको प्रश्नको जवाफ दिँदै उनले आफ्नै कुनै संलग्नता नरहेको बताएका हुन् ।

‘म यति मात्र भन्न चाहन्छु । जहाँ मेरो नाम छ भनिएको छ, त्यहाँ मेरो नामबाहेक केही छैन । न हस्ताक्षर, न ल्याप्चे छ । न मैले निवेदन दिएको छु । न मेराे केवाइसी भरिएको छ,’ उनले भने ।