२१ माघ २०८०, आईतवार
नवलपरासी। बर्दघाट नगरपालिका-४ का सुनचाँदी व्यवसायी ६२ वर्षिय गजेन्द्र विश्वकर्मामाथि गोली प्रहार भएको छ ।
सुस्ता गाउँपालिका-१ बरुवमा रहेको पसल बन्द गरेर घर फर्कने क्रममा बर्दघाट नगरपालिका-१६ स्थित कुकुरमारा नजिकै हिजो साँझ ७ बजे आसपासमा अज्ञात समूहले विश्वकर्मामाथि एक राउण्ड गोली प्रहार गरेको जिल्ला प्रहरी कार्यालय पश्चिम नवलपरासीका प्रहरी नायव उपरीक्षक एवं सूचना अधिकारी रेशम बोहराले जानकारी दिएका छन् ।
त्यस्तै, घाइते विश्वकर्माको लु७८प ७४३५ नम्बरको स्कुटर घटनास्थल भन्दा चार किलोमिटरको दूरीमा वडा नं १४ मा फेला परेको छ । उनको पाखुरामा गोली लागेको छ । गोली लागेर घाइते भएका विश्वकर्माको अहिले भैरहवास्थित युनिभर्सल कलेज अफ मेडिकल साइन्सेज शिक्षण अस्पतालमा उपचार भइरहेको उनको भनाइ छ ।
गोली प्रहार गर्नेको खोजी जारी रहेको प्रहरीले जनाएको छ ।
प्रकाशित मिति: २१ माघ २०८०, आईतवार
