१९ पुष २०८०, बिहीबार
काठमाडौं। कतिपय गायक गायिकालाई आफ्नो गीत युट्युब ट्रेन्डिङमा परेको देख्नै मुस्किल पर्छ । गायक प्रकाश सपुतका गीतहरू भने युट्युबको ट्रेन्डिङमा मात्र होइन, शीर्ष स्थानमा समेत पुग्ने गरेको छ ।
गायक सपुतकै युट्युब च्यानलबाट सोमबार सार्वजनिक ‘मुटु कटक्कै’को भिडिओको भ्युज ११ लाखभन्दा माथि भइसकेको छ। ‘मुटु कटक्कै’ को भिडिओ सोमबार गायनमा प्रकाशलाई कुशल बेलबासे र प्रताप दासले साथ दिएको गीतले माया नलगाएको र प्रेममा पीडा नभोगेका व्यक्ति कोही नहुने भनेको छ।
उक्त गीतमा शब्द तथा संगीत पनि सपुतकै छ भने स्वरमा उनलाई कुशल बेलबासे र प्रताप दासले साथ दिएका छन् । सो गीतको एरेन्ज सुदिप सागरले गरेका हुन् ।
त्यस्तै, मायामा पीडा पाउने पुरुषलाई मन बहलाउने ठाउँ हुने तर महिलालाई नहुने विषय उठान भएको गीतमा प्रकाश सपूत, कुशुम शर्मा, रोशनी कार्की, विजय पुन लगायतको अभिनय रहेको छ ।
उक्त गीतको भिडिओमा प्रकाश सपुत र कुसुम शर्माको जोडी बाँधिएको छ भने रोश्नी कार्की, विजय पुन, प्रविन भट्ट, सुनिल विक, प्रखर सपुत, विशाल घिमिरे, मिलन विश्वकर्माले पनि अभिनय गरेका छन्।
नवराज उप्रेतीले छायांकन गरेको म्युजिक भिडिओ प्रविन भट्टले सम्पादन गरेका हुन् । निर्देशन प्रकाशले नै गरेका हुन्।
हेर्नुहोस् गीतको भिडिओ:-
प्रकाशित मिति: १९ पुष २०८०, बिहीबार
