१२ मंसिर २०८०, मंगलवार
काठमाडौं। नेपाली कांग्रेसले रुकुम (पश्चिम) को सानो भेरी गाउँपालिका-४ पुरानो गाउँमा गौनी विकको घरबाट सुरुआत गरेको ३ स्थानमा अस्थायी घर टहरा निर्माण कार्य अन्तिम चरणमा पुर्याएको छ ।
‘जाजरकोट भूकम्प’ बाट प्रभावित बस्तीहरूमा एक हजार अस्थायी आवास ‘घर-टहरा’ निर्माण गर्ने अभियान अन्तर्गत काँग्रेसले रुकुम पश्चिम र जाजरकोटका विभिन्न बस्तीमा निर्माणको काम गरिरहेको कांग्रेस प्रचार विभाग प्रमुख मीन विश्वकर्माले बताएका छन् । रुकुम पश्चिममा काँग्रेसका केन्द्रीय सदस्यद्वय मानबहादुर नेपाली र गुरु बराल, कर्णाली प्रदेशका महामन्त्री कृष्णबहादुर रोकाय, जिल्ला सभापति प्रेमप्रकाश ओली, युवा नेता शिव आचार्य लगायतका नेता तथा पार्टी सदस्यहरूले खटिएका छन् ।
त्यस्तै, दुःखको यो बेलामा योगदान गर्नको लागि थप क्रियाशील भई निरन्तर लागि लाग्न कांग्रेसले पार्टी पङ्क्तिलाई आह्वान गरेको छ ।
प्रकाशित मिति: १२ मंसिर २०८०, मंगलवार
