२२ कार्तिक २०८०, बुधबार
काठमाडौं। यू-१९ एसिया कप क्रिकेटमा नेपाल भारत, पाकिस्तान र अफगानिस्तानको समूहमा परेको छ । एसियाली क्रिकेट काउन्सिल एसीसीले सार्वजनिक गरेको खेल तालिका अनुसार नेपालले पहिलो खेल डिसेम्बर ८ मा पाकिस्तानसँग खेल्ने छ । त्यस्तै, नेपालको दोस्रो खेल डिसेम्बर १० मा अफगानिस्तानसँग र तेस्रो खेल १२ डिसेम्बरमा भारतसँग हुने छ भने समूह बीमा भने आयोजक यूएईसहित बंगलादेश, श्रीलंका र जापान रहेका छन् । त्यसैगरी एसिया कप सकिएको एक महिनापछि नेपालले श्रीलंकामा हुने यू-१९ विश्वकप क्रिकेट खेल्ने छ । उक्त समूहका २ शीर्ष टोली सेमिफाइनलमा पुग्ने छन् भने फाइनल खेल १७ डिसेम्बरमा हुने छ ।
प्रकाशित मिति: २२ कार्तिक २०८०, बुधबार
