डाक्टर कुटपिटको विरोधमा पाटन अस्पतालमा आकस्मिक बाहेकका सेवा ठप्प

काठमाडौं। चिकित्सकमाथि कुटपिट गरेको विरोधमा पाटन अस्पतालका चिकित्सकसहितका स्वास्थ्यकर्मीहरुले आकस्मिक बाहेकका सबै सेवा ठप्प पारेका छन् । चिकित्सकमाथि कुटपिट गर्नेमाथि कारबाही गर्न माग गर्दै आवासीय चिकित्सकहरु नै विरोध प्रदर्शनमा उत्रिएपछि सो अस्पतालको आकस्मिक बाहेकका सबै सेवा ठप्प भएको हो । प्रचलित कानून बमोजिम चिकित्सकमाथि आक्रमण गर्नेहरुलाई कारबाही नगरेसम्म आफूहरुको आन्दोलन जारी रहने चिकित्सक डा. दिक्षान्त आचार्यले चेतावनी दिए । उनले चिकित्सकलाई बन्धक बनाउने, कुटपिट गर्नेलाई कारबाही गर्ने काम नगरेको भन्दै सरकार र प्रहरी प्रशासनप्रति पनि आक्रोश व्यक्त गरे । सो अस्पतालमा गत कार्तिक १८ गते शनिवार ज्येष्ठ नागरिक वार्डमा उपचाररत दुई बिरामीको मृत्यु भएपछि आक्रोशित आफन्तले चिकित्सकमाथि कुटपिट गरी बन्धक बनाएको आन्दोलनरत चिकित्सकहरुको भनाइ रहेको छ ।

डा. आचार्यले भने, ‘डाक्कटरमाथि कुटपिट गर्नेहरुमाथि किन अहिलेसम्म कारबाही भइराखेको छैन, किन समातिएन रु त्यही बेला किन समातिएन रु यो कुरा चाँही हामीलाई पनि प्रश्न हो । र यसमा जोजो सम्बन्धिन निकाय रहेका छन् । उनीहरुलाई पनि यही प्रश्न हो । यसैकारण हामी आन्दोलित छौं । हामीले गल्ती नगरिकन गल्ती गरेको भन्ने जस्ता शब्दहरु, लापरबाही गरेको भन्ने जस्ता शब्दहरु प्रयोग नगर्नुस् भनेको हो ।’ उनले भने, ‘हाम्रो इच्छा त बिरामीले राम्रो उपचार पाउनु पर्‍यो । विरामीले राम्रो सेवा पाउनुपर्‍यो । हाम्रो जो डाक्टर सावहरुलाई कुटियो । जोजो पीडक पक्षहरु छन् । उनीलाई प्रहरीले नियन्त्रणमा लिनुपर्‍यो भन्ने माग छ ।’ उनीहरुले चिकित्सकमाथि कुटपिट गर्ने कार्यमा संलग्नहरुलाई सरकारले कारबाही नगरेसम्म आफूहरुको आन्दोलन नरोकिने बताएका छन् ।