४ भाद्र २०८०, सोमबार
४ भदाै, भक्तपुर । बाल सुधार गृहबाट डेढ सयभन्दा बढी थुनुवा भागेका छन् । भक्तपुरको सानो ठिमीस्थित बालसुधार गृहबाट विभिन्न अपराधमा मुछिएका डेढ सयभन्दा बढी थुनुवा भागेका हुन् ।
प्रहरीले दिएको जानकारी अनुसार भाला, छुरी लिएर आएका केही व्यक्तिले डेढ सयजनाभन्दा बढी कैदीलाई पछाडिको ढोका फोडेर भगाएका हुन् । उक्त क्रममा झडप हुँदा प्रहरीले गोली समेत चलाएको छ ।
एक जना थुनुवाको उपचारका लागि अस्पताल लग्दा मृत्यु भएपछि आफन्तले बिहान सुधारगृहअगाडि विरोध प्रदर्शन गरेका थिए । सोही विरोधकै क्रममा प्रदर्शन भड्किएको जानकारी दिइएको छ ।
प्रकाशित मिति: ४ भाद्र २०८०, सोमबार
