२६ श्रावण २०८०, शुक्रबार
एजेन्सी । अहिले विश्वभर तापक्रम बढ्दै गइरहेको छ । नेपालका तराइ भूभाग सहित काठमाडाैँ लगायत पहाडी क्षेत्रमा समेत वर्षैपिच्छे तापक्रम बढ्दै गइरहेको छ ।
सामान्यतया गर्मीको माैसममा सबै खालका काम तथा दैनिकी गर्न असहज हुन्छ । त्यस्तै, सुत्न पनि गर्मी महिनामा जाडो माैसममा भन्दा असहज हुने गर्दछ ।
तर, विज्ञहरूले केही सुझाव दिएका छन्, जसले सुत्न सहज बनाउँछन् ।
१. न्याप नलिने अर्थात् दिउँसो नसुत्ने
गर्मी सिजनमा दिउसो समेत निद्रा लागेर हैरान हुन्छ । तर, विज्ञहरू भने दिउसोको समयमा न्याप नलिन तथा नसुत्न सुझाएउँछन् । दिउसो नसुत्दा राती निदाउन सहज हुने उनीहरूको भनाइ छ ।
२. दिनचर्या व्यवस्थित बनाउने
रातीको समयमा सहज तरिकाले सुत्न दिनको कामहरू व्यवस्थित बनाउन पनि विज्ञहरूले सुझाव दिएका छन् । नियमित समयमा नै सुत्ने र उठ्न प्रयास गर्ने विज्ञहरूको सुझाव छ ।
३. सामान्य कुराहरू ख्याल गर्ने
तपाईंको शयनकक्ष रातमा हुन सक्ने जत्तिकै चिसो छ भनी सुनिश्चित गर्न कदमहरू चाल्न विज्ञहरूको सुझाव छ ।
दिउँसोको समयमा अँध्यारो नै बनाएर राख्दा सुत्ने समयमा कोठा केही चिसो हुने बताइएको छ । विज्ञहरूले झ्याल तथा पर्दा खोल्ने र बन्द गर्ने समयमा पनि ध्यान दिन सुझाएका छन् ।
४. पातलो तन्ना ओछ्याउने
विज्ञहरूका अनुसार ओछ्यानमा ओछ्याउनले तन्नाले पनि सहज रूपमा सुत्ने प्रक्रियामा प्रभाव पार्छ । सहज रूपमा सुत्नका लागि पातलो तन्ना ओछ्याउने र पसिना अवशोषित गर्ने कपडा प्रयोग गर्न पनि सुझाइएको छ ।
५. पर्याप्त पानी पिउने
दिनभर पर्याप्त मात्रामा पानी पिउने तर सुत्नुअघि धेरै मात्रामा पानी नपिउन समेत विज्ञहरूले सुझाव दिएका छन् ।
प्रकाशित मिति: २६ श्रावण २०८०, शुक्रबार
