१६ श्रावण २०८०, मंगलवार
१६ श्रावण, काठमाडाैँ । न्यु सानिमा बहुउद्देश्यीय सहकारी लिमिटेडले आफ्नो कार्यालय खोलेको घोषणा गरेको छ । मंगलबारबाट यस संस्थाले काठमाडाैँको उत्तरढोकास्थित लाजिम्पाटमा कार्यालयको उद्घाटन गरेको हो ।
न्यू सानिमा बहुउद्देश्यीय सहकारी लिमिटेडले स्थानीय समुदायलाई विस्तारित वित्तीय सेवा र सहयोग प्रदान गर्ने लक्ष्य राखेको छ । यस संस्थाले सेवाग्राहीहरूलाई बचत तथा निक्षेप खाता, कर्जा सुविधा, रेमिट्यान्स सेवा र थप कुराहरू सहितको व्यापक सेवा प्रदान गरेको छ ।
स्थानीय समुदायको आर्थिक वृद्धिमा योगदान पुर्याउनु र वित्तीय सशक्तिकरणलाई सहजीकरण गर्नु यस सहकारी संस्थाले आफ्नो मुख्य उद्देश्य भएको जानकारी दिएको छ ।
यस सहकारीबाट सहुलियत ब्याजदरमा व्यक्तिगत, गृह, शैक्षिक, आकस्मिक, रोजगार तथा व्यापार, कृषि, महिला, स्टार्टअप र स्टक लगायतका ऋण लिन सकिनेछ ।
त्यसैगरी, सहकारीले अहिले सुचना प्रविधिको समयमा सहज सेवा प्रवाह गर्नका लागि मोबाइल बैंकिङ, एसएमएस बैंकिङ, एटीएम तथा भिसा कार्ड, रेमिट्यान्स सेवा पनि सुरू गरेको छ । सहकारीका अध्यक्ष सस्वतराज शर्माले यी सेवाहरूको उद्घाटन गरेका छन् ।
निक्षेपकर्ताले नेपाल, भारत र भुटानका जुनसुकै ठाउँमा जुनसुकै बेला पनि भिसा/एटीएम कार्डमार्फत आफ्नो पैसा निकाल्न सक्नेछन् ।
प्रकाशित मिति: १६ श्रावण २०८०, मंगलवार
