२ श्रावण २०८०, मंगलवार
२ ,श्रावण ,काठमाडौँ । नेपाली कांग्रेसको केन्द्रीय समिति बैठक केन्द्रीय कार्यालय सानेपामा बस्नेछ । विधानअनुसार प्रत्येक दुई महिनामा कम्तीमा एकपटक केन्द्रीय कार्यसमितिको बैठक बस्नुपर्ने उल्लेख भए पनि एक वर्षपछि आज बैठक बस्न लागेको हो ।
बैठकले समसामयिक राजनीतिक विषय, कार्यसम्पादन समिति बैठकबाट भएका निर्णयहरू अनुमोदनका लागि पेश गर्ने, साङ्गठनिक कार्ययोजना र कार्यतालिकासम्बन्धी प्रस्ताव, नीति अधिवेशन सम्बन्धमा छलफल गरी मिति र स्थान तय गर्ने, पार्टीको निर्वाचन परिचालन समितिले तयार गरेको प्रतिवेदन प्रस्तुत गर्ने कार्यसूची तय गरेको पार्टीका सहमहामन्त्री फर्मुल्लाह मन्सुरले जानकारी दिए
हिजो बसेको बैठकले विभाग गठन सम्बन्धी, अनुशासन समितिको प्रतिवेदनसम्बन्धी, राष्ट्रिय अभियान घोषणासम्बन्धी प्रस्ताव, सरकारमा पार्टीको भूमिका, प्रतिनिधिसभा बैठकमा पार्टीको भूमिका, विषयको कार्यसूची तय गरिएको उनले बताए ।
बैठकमा सभापति देउवाले केन्द्रीय समिति बैठकको पार्टीको आधिकारिक फेसबुक पेजमार्फत प्रत्यक्ष प्रशारण गर्ने प्रस्ताव गरेका थिए ।
प्रकाशित मिति: २ श्रावण २०८०, मंगलवार
