२६ असार २०८०, मंगलवार
२६ ,असार ,काभ्रे । कट्टु (हाफ पाइन्ट) लगाएर धुलिखेलस्थित काभ्रेपलाञ्चोकको सिडिओ कार्यालय छिरेका तीन युवक पक्राउ परेका छन् । राहदानी बनाउन गएका भनिएका ती युवकको अमिल्दो पोशाक र होहल्लाका कारण नियन्त्रणमा लिइएको बताइएको छ ।
‘अस्ति बिहान पौने १२ बजेको समयमा उनीहरुलाई नियन्त्रणमा लिएर प्रहरीको जिम्मा लगाइएको हो,’ जिल्ला प्रशासन कार्यालय स्रोतले बतायो । काभ्रेको चौरी देउराली गाउँपालिका ४ का केशवप्रसाद गौतमका २७ वर्षे छोरा सुरज गौतम, नमोबुद्ध नगरपालिका ७ का राजकुमार श्रेष्ठका १६ वर्षे छोरा रेजियन श्रेष्ठ पक्राउ परेका हुन् ।
उनीहरुले काम ढिलो भएको भन्दै हल्ला गरेपछि प्रहरीले कार्यालयभित्र कट्टु लगाएर आएको आरोप लगाएको थियो । आफूहरुले सम्झाउँदा पनि नमानेको र प्रमुख जिल्ला अधिकारी पुण्य विक्रम पौडेलसँग मुखमुखै लागेपछि नियन्त्रणमा लिइएको प्रहरीको दाबी छ ।
जिल्ला प्रशासनभित्र भिडियो खिचेको, कट्टु लगाएर सरकारी कार्यालयमा प्रवेश गरेको र होहल्ला गरेको आरोपमा नजिकैको जिल्ला प्रहरी कार्यालय पुर्याइएको बताइएको छ ।
प्रकाशित मिति: २६ असार २०८०, मंगलवार
