७ असार २०८०, बिहीबार
७ असार, काठमाडाैँ । आईसीसी क्रिकेट विश्वकप छनोट अन्तर्गत वेस्ट इण्डिजसँग नेपालले फराकिलो हार व्यहोरेको छ ।
जिम्बावेको हरारे मैदानमा भएको खेलमा ३४० रनको लक्ष्य पछ्याएको नेपाल ४९.४ ओभरमा सबै विकेट गुमाएर २३८ रनमात्र सफल भयो ।
नेपालका लागि सबैभन्दा धेरै रन आरिफ शेखले बनाए । उनले ९३ बलको सामना गर्दै ६३ रन बनाएका थिए । त्यस्तै, गुल्सन झाले ४२ र रोहित पाैडेलले ४२ बलमा ३० रनको योगदान गरे ।
वेस्ट इन्डिजका लागि कप्तान साई होप र निकोलस पुरनले सतकीय इनिङ्स खेले । होपले सर्वाधिक एक सय ३२ रन बनाए । उनले एक सय २९ बलमा १० चौका र तीन छक्काको सहयोगमा उक्त रन बनाएका हुन् । यस्तै पुरनले एक सय १५ रन जोडे ।
यससँगै नेपालले विश्वकप छनाेट अन्तर्गत खेलेका तीन मध्ये एक खेलमा मात्रै जित हात पारेको छ । पहिलो खेलमा जिम्बावेसँग पराजित भएको नेपालले अमेरिकालाई भने हराएको थियो ।
प्रकाशित मिति: ७ असार २०८०, बिहीबार
