११ बैशाख २०८०, सोमबार
११ वैशाख ,काठमाडौँ । प्रधान सेनापति महारथी प्रभुराम शर्माले सेना प्रमुख सुबेदारमा पदोन्नति भएका रत्नबहादुर थापा मगरलाई दज्र्यानी चिह्न प्रदान गरेका छन् ।
सेनामा एक मात्र रिक्त रहेको उक्त पदमा बढुवा हुनुभएका मगरलाई आज जङ्गी अड्डामा आयोजित कार्यक्रममा दज्र्यानी चिह्न प्रदान गरिएको सैनिक जनसम्पर्क तथा सूचना निर्देशनालयले जनाएको छ ।
उनलाई प्रधान सेनापतिको कार्यालयमा पदस्थापन गरिएको छ । सेनाका विभिन्न युनिट तथा सब युनिटमध्येबाट योग्यताका आधारमा छनोट गर्ने प्रावधानअनुरुप दुर्गाभञ्जन गुल्मबाट उनको छनोट भएको हो ।
प्रमुख सुबेदार मगर विसं २०५७ भदौ १ गते सेनामा प्रवेश गरेका हुन् । उनको कार्यकाल तीन वर्षको हुनेछ ।
सैनिक सङ्गठनमा माथिल्ला तहका अधिकृतसँग समन्वय तथा पदिक वा सो मुनिको दर्जाको खटनपटन र परिचालनमा प्रमुख सुबेदार तथा सुबेदारको महत्वपूर्ण जिम्मेवरी हुन्छ ।
प्रकाशित मिति: ११ बैशाख २०८०, सोमबार
