५ बैशाख २०८०, मंगलवार
५ वैशाख, भक्तपुर । भक्तपुरमा सहकारी संस्थाका प्रबन्ध निर्देशकलाई जुत्ताको माला लगाइएको छ ।
भक्तपुरको मध्यपुर थिमि नगरपालिका-३ गठ्ठाघरमा १२ बर्षदेखि संचालनमा रहेको रहेको कृषि विकास तथा ऋण सहकारी संस्थाले बचत फिर्ता नदिएको भन्दै संस्थाका प्रबन्ध निर्देशकलाई मंगलबार जुत्ताको माला लगाएका हुन् ।
उक्त कार्यमा संलग्न पाँचजनालाई प्रहरीले पक्राउ गरेको छ । काठमाडाैँमा बस्ने ४३ वर्षीय प्रबन्ध निर्देशक समिर खत्रीलाई हातपात गरी कालो मोसोसमेत दली जुत्ताको माला लगाउने उनीहरुलाई पक्राउ गरिएको प्रहरीले जानकारी दिएको छ ।
प्रहरीका अनुसार पक्राउ पर्नेमा ४४ को मुरारी नेपाल, ३६ वर्षीया प्रेमकुमारी तामाङ, ३९ वर्षीय कृष्ण संग्रौला, ३६ वर्षीय गोरखबहादुर गिरी र ३४ वर्षीया पबित्रा तामाङ रहेका छन् ।
प्रकाशित मिति: ५ बैशाख २०८०, मंगलवार
