Trending
>>   विदेशमा रहेका नेपालीको मताधिकार सुनिश्चित गर्न माग >>   राप्रपा अध्यक्षमा ज्ञानबहादुर शाहीको उम्मेदवारी घोषणा >>   नेपालको समृद्धि आयात बढाएर होइन, स्वदेशी उत्पादन बढाएर सम्भव छः मन्त्री साह >>   प्रधानमन्त्री साहको भारत भ्रमण मन्त्रिपरिषद्बाट स्वीकृत >>   प्रदेश र स्थानीय तहको निर्वाचन सँगै गर्नेबारे छलफलपछि मात्रै निष्कर्षमा पुग्छौंः रास्वपा >>   स्थानीय तह निर्वाचनबारे निर्वाचन आयोगद्वारा दलहरूसँग छलफल शुरु >>   जनकपुर–अयोध्या रेल र हवाई सेवा सञ्चालन गर्न प्रधानमन्त्रीलाई निधीको आग्रह >>   प्रधानमन्त्रीको भ्रमणमा मोदीको दिवाभोजदेखि नेपाल–भारत बिजनेस फोरमसम्म >>   प्रधानमन्त्री बालेन्द्र शाह आईतवार भारतको दुईदिने राजकीय भ्रमणमा जाने >>   वित्तीयि प्रणालीबाट २०० अर्ब निक्षेप खिच्दै राष्ट्र बैंक
Logo
४ मंसिर २०८३, शुक्रबार
४ मंसिर २०८३, शुक्रबार

काँग्रेस अनुशासन समितिले भन्यो– पार्टी र नेतृत्वको गरिमामा आँच पुर्‍याउने जो कोहीको पनि छानबिन हुन्छ


काठमाडौँ। नेपाली काँग्रेसको केन्द्रिय अनुशासन समितिले पार्टीको विधान र पद्धति विपरित गतिविधि गर्ने नेता तथा कार्यकर्तामाथि कारबाही गर्ने चेतावनी दिएको छ । शुक्रवार पार्टी केन्द्रिय कार्यालय सानेपामा बसेको समितिको बैठकका क्रममा संयोजक तारामान गुरुङले पार्टीको मर्यादा र विधि मिच्ने जो कोहीलाई विधानबमोजिम कारबाहीको दायरामा ल्याइने बताएका हुन् । संयोजक गुरुङकाअनुसार गत आम निर्वाचनका क्रममा पार्टीभित्र भएका अनुशासन उल्लंघन र अन्तर्घातका सम्बन्धमा विभिन्न जिल्लाहरूबाट ७ सय ५४ वटा उजुरी प्राप्त भएका छन् । समितिले हाल ती उजुरीहरूको गम्भीरतापूर्वक छानबिन गरिरहेको र धेरैजसो उजुरीहरू किनारा लाग्ने प्रक्रियामा रहेको उनले जानकारी दिएका छन् । बैठकपछि सञ्चारकर्मीहरूसँग कुरा गर्दै संयोजक गुरुङले पार्टीको १५ औँ महाधिवेशनको प्रक्रिया शुरु हुनुअघि नै सबै उजुरीहरूको फैसला गरिसक्ने समितिको लक्ष्य रहेको बताएका छन् । समितिले हालैका केही गतिविधिहरूमाथि पनि गम्भीर ध्यानाकर्षण भएको जनाएको छ । विशेषगरी, डा. शशांक कोईरालाको संयोजकतामा भएको भनिएको एक भेला र त्यहाँ पूर्वसभापति शेरबहादुर देउवालाई ‘सभापति’को नेमप्लेट राखेर गरिएको स्वागतका विषयमा समितिले प्रश्न उठाएको छ । संयोजक गुरुङले गगन थापा नेतृत्वको कार्यसमिति आधिकारिक रहेको अवस्थामा नक्कली लेटरप्याडको प्रयोग र मर्यादा विपरितका कार्यहरू स्वीकार्य नहुने स्पष्ट पारेका छन् । उनले भने, ‘वडा अधिवेशनभन्दा पहिले नै अनुशासनका सबै विषयहरू टुंगो लगाएर पार्टीलाई शुद्धीकरण गर्ने पक्षमा हामी छौँ । हाम्रो निर्णय आम कार्यकर्ता र जनताले समेत न्यायोचित ठान्ने खालको हुनेछ । निःवर्तमान सभापतिलाई वर्तमान सभापतिकै हैसियतमा नेमप्लेट राखेर प्रश्तुत गरिनु र नक्कली लेटरप्याड प्रयोग गरिनु विधानसम्मत छैन । त्यस्ता भेलामा भएका गतिविधि, नेताहरूले प्रयोग गरेका शब्द र उपस्थितिको पूर्ण अभिलेख हामीले संकलन गरिरहेका छौँ । पार्टी र नेतृत्वको गरिमामा आँच पु¥याउने जो कोहीको पनि छानबिन हुनेछ ।’ अनुशासन समितिले आफूलाई विशेष महाधिवेशन, निर्वाचन आयोग र सर्वोच्च अदालतबाट समेत आधिकारिकता प्राप्त भएको दाबी गर्दै विधानको धारा १७ (२) बमोजिम काम गरिरहेको जनाएको छ । पार्टी हितका लागि गरिने भेला र सम्मेलनमा बन्देज नभए पनि पार्टीकै विरुद्धमा हुने गतिविधिमाथि भने कडा निगरानी राखिने समितिले स्पष्ट पारेको छ ।

काठमाडौँ। नेपाली काँग्रेसको केन्द्रिय अनुशासन समितिले पार्टीको विधान र पद्धति विपरित गतिविधि गर्ने नेता तथा कार्यकर्तामाथि कारबाही गर्ने चेतावनी दिएको छ ।

शुक्रवार पार्टी केन्द्रिय कार्यालय सानेपामा बसेको समितिको बैठकका क्रममा संयोजक तारामान गुरुङले पार्टीको मर्यादा र विधि मिच्ने जो कोहीलाई विधानबमोजिम कारबाहीको दायरामा ल्याइने बताएका हुन् । संयोजक गुरुङकाअनुसार गत आम निर्वाचनका क्रममा पार्टीभित्र भएका अनुशासन उल्लंघन र अन्तर्घातका सम्बन्धमा विभिन्न जिल्लाहरूबाट ७ सय ५४ वटा उजुरी प्राप्त भएका छन् । समितिले हाल ती उजुरीहरूको गम्भीरतापूर्वक छानबिन गरिरहेको र धेरैजसो उजुरीहरू किनारा लाग्ने प्रक्रियामा रहेको उनले जानकारी दिएका छन् ।

बैठकपछि सञ्चारकर्मीहरूसँग कुरा गर्दै संयोजक गुरुङले पार्टीको १५ औँ महाधिवेशनको प्रक्रिया शुरु हुनुअघि नै सबै उजुरीहरूको फैसला गरिसक्ने समितिको लक्ष्य रहेको बताएका छन् । समितिले हालैका केही गतिविधिहरूमाथि पनि गम्भीर ध्यानाकर्षण भएको जनाएको छ । विशेषगरी, डा. शशांक कोईरालाको संयोजकतामा भएको भनिएको एक भेला र त्यहाँ पूर्वसभापति शेरबहादुर देउवालाई ‘सभापति’को नेमप्लेट राखेर गरिएको स्वागतका विषयमा समितिले प्रश्न उठाएको छ । संयोजक गुरुङले गगन थापा नेतृत्वको कार्यसमिति आधिकारिक रहेको अवस्थामा नक्कली लेटरप्याडको प्रयोग र मर्यादा विपरितका कार्यहरू स्वीकार्य नहुने स्पष्ट पारेका छन् ।

उनले भने, ‘वडा अधिवेशनभन्दा पहिले नै अनुशासनका सबै विषयहरू टुंगो लगाएर पार्टीलाई शुद्धीकरण गर्ने पक्षमा हामी छौँ । हाम्रो निर्णय आम कार्यकर्ता र जनताले समेत न्यायोचित ठान्ने खालको हुनेछ । निःवर्तमान सभापतिलाई वर्तमान सभापतिकै हैसियतमा नेमप्लेट राखेर प्रश्तुत गरिनु र नक्कली लेटरप्याड प्रयोग गरिनु विधानसम्मत छैन । त्यस्ता भेलामा भएका गतिविधि, नेताहरूले प्रयोग गरेका शब्द र उपस्थितिको पूर्ण अभिलेख हामीले संकलन गरिरहेका छौँ । पार्टी र नेतृत्वको गरिमामा आँच पु¥याउने जो कोहीको पनि छानबिन हुनेछ ।’

अनुशासन समितिले आफूलाई विशेष महाधिवेशन, निर्वाचन आयोग र सर्वोच्च अदालतबाट समेत आधिकारिकता प्राप्त भएको दाबी गर्दै विधानको धारा १७ (२) बमोजिम काम गरिरहेको जनाएको छ । पार्टी हितका लागि गरिने भेला र सम्मेलनमा बन्देज नभए पनि पार्टीकै विरुद्धमा हुने गतिविधिमाथि भने कडा निगरानी राखिने समितिले स्पष्ट पारेको छ ।


प्रकाशित मिति: ५ भाद्र २०८३, शुक्रबार

यो खबर पढेर तपाईलाई कस्तो महसुस भयो ?