Trending
>>   पार्टीप्रति जनविश्वास फर्काउन कमजोरी सच्याउनुपर्छः एमाले सचिव अर्याल >>   एमाले फेरि सरकारमा फर्किन्छ, मूल ढोकाबाटै सिंहदरबार पस्छौँः केपी ओली >>   रास्वपालक्षित ओलीको टीप्पणीः ‘चुनाव लड्ने क्लव बनाएर हामीसँग प्रतिष्पर्धा गर्दैछन्’ >>   काठमाडौं–तराई द्रुतमार्गको ५१ प्रतिशत निर्माण सम्पन्न, महादेवटार सुरुङको ब्रेकथ्रु >>   काठमाडौं–तराई द्रुतमार्गले गुणात्मक परिवर्तन ल्याउँछः राष्ट्रपति पौडेल >>   चीनको सहयोगमा निजामती अस्पतालमा मोतियाबिन्दुको शल्यक्रिया सेवा विस्तार हुँदै >>   तातोपानी नाकालाई पूर्ववत अवस्थामा सञ्चालनमा ल्याउन सरकारले विशेष पहल गर्नुपर्छः सांसद पराजुली >>   केपी ओली भन्छन्, ‘केपी ओली, देउवा र प्रचण्डलाई थुन्दिन्छु रे ! मजाकको पात्र हौँ हामी… >>   पत्रकार महासंघले गर्‍यो आन्दोलनका कार्यक्रम घोषणा >>   मारवाडी सेवा समितिलाई सर्वोच्चको झट्का, गौशाला धर्मशाला पशुपतिमै फिर्ता
Logo
२ मंसिर २०८३, बुधबार
२ मंसिर २०८३, बुधबार

राजदुत नियुक्तिमा भएको ढिलाइप्रति काँग्रेसको चासो


राजदुत नियुक्तिमा भएको ढिलाइप्रति काँग्रेसको चासो

काठमाडौँ। नेपाली काँग्रेसले राजदूत नियुक्तिमा भएको ढिलाइप्रति काँग्रेसको चासो व्यक्त गरेको छ ।

लामो समयदेखि विभिन्न मुलुकमा राजदूत पद रिक्त रहँदा नेपालको विदेश नीतिमा नकारात्मक प्रभाव परेको काँग्रेसले बताएको हो । हालै सम्पन्न काँग्रेसको केन्द्रिय समितिको बैठकले तत्काल राजदुत नियुक्त गर्न सरकारलाई आग्रह गरेको छ । राजदूत देशको प्रतिनिधित्व गर्ने महत्वपूर्ण संस्था भएकाले लामो समयसम्म पद रिक्त राख्नु उचित नभएको काँग्रेसको निष्कर्ष रहेको पार्टी प्रवक्ता देवराज चालिसेले जानकारी दिएका छन् । वाणिज्य दूतावास तथा अन्य कुटनीतिक निकायमा आवश्यक जनशक्ति र नेतृत्वको अभावका कारण विदेशमा रहेका नेपालीले पासपोर्ट नवीकरणदेखि मृतकको शव नेपाल ल्याउनेसम्मका सामान्य काममा समेत कठिनाइ भोग्नुपरेको उनले बताएका छन् । विदेशबाट प्राप्त रेमिट्यान्सलाई मात्रै प्राथमिकता नदिई विदेशमा रहेका नेपाली नागरिकको जीवन र समस्याप्रति पनि सरकारले जिम्मेवारी लिनुपर्ने उनको भनाई छ ।

उनले भने, ‘राजदुत तथा अन्य नियुक्तिका सन्दर्भमा धेरै लामो समय सम्म राजदूतहरु खाली छ । देशको विदेश नीतिमा राजदूत भनेको सामान्य विषय होइन देशको प्रतिनिधित्व गर्ने संस्था त्यो राजदूत विहिन हुनु भनेको हाम्रो विदेश नीतिमा अपरिपक्वता र तपाईँको यसमा देखिएको छ । विभिन्न र वाणिज्य दूतावासमा– वाणिज्य दूतावास नभएर प्रवासि नेपालीहरुले आफ्नो पासपोर्ट नवीकरण गर्ने लगायतका धेरै साना भन्दा साना कुराहरुमा दुःख पाइरहेका छन् । र ती निकायको अभावले गर्दा कतिपय ठाउँमा नेपालीहरुले मृत्यु भएको घटनामा दुई महिना सम्म पनि कतिपय घटनामा दुई महिना सम्म पनि नेपाल लास चाहिँ नेपालमा ल्याउन नसक्ने अवस्था छ । सरकारलाई रेमिट्यान्स प्यारो छ तर ती नागरिकको जीवन प्यारो छ, जीवनका प्रति जिम्मेवारी सरकारले देखाएको छैन । दुई महिना सम्म त्यो आफ्नो नागरिकको घरको परिवारको लासहरु घरमा नआउदा खेरि कस्तो खालको भावना आएको होला ? उसले पठाएको पैसा देशलाई चाहिने तर उसको जीवन सरकारलाई नचाहिने खालको सोच बदल्न जरुरी हुन्छ र यसमा उत्तरदायित्व लिनको लागि सरकारले आवश्यक प्रबन्ध पनि गरोस् । यो धेरै यी निकायमा रिक्तता देखिनाले हाम्रो यो धेरै नागरिक दुःख पाएका कुरालाई हामीले ध्यानाकर्षण गराएका छौं । चाँडो भन्दा चाँडो ती नियुक्ति गरिनुपर्दछ ।’

काँग्रेसले विभिन्न सरकारी निकायमा अध्यादेशमार्फत पदाधिकारीलाई अवकाश दिएर नयाँ नियुक्ति गरिएको विषयमा पनि प्रश्न उठाएको छ । पुराना पदाधिकारी हटाएर योग्य व्यक्ति ल्याउने दाबी गरिएपनि हालका नियुक्तिमा सत्तासँग निकट व्यक्तिलाई प्राथमिकता दिएको देखिएको कांग्रेसको आरोप छ । सरकारी नियुक्तिमा पारदर्शिता, निष्पक्षता र योग्यता प्रणाली पूर्ण रूपमा अवलम्बन नभएको भन्दै कांग्रेसले यस विषयलाई गम्भीर चासोको रूपमा लिएको जनाएको छ । कांग्रेसले सरकारलाई नागरिकका दैनिक समस्यादेखि राष्ट्रिय विपद्, सामाजिक सद्भाव, कूटनीतिक प्रतिनिधित्व र सरकारी नियुक्तिसम्मका विषयमा जवाफदेही र जिम्मेवार बन्न आग्रह गरेको छ ।


प्रकाशित मिति: २ भाद्र २०८३, मंगलवार

यो खबर पढेर तपाईलाई कस्तो महसुस भयो ?