७ पुष २०८२, सोमबार
एजेन्सी। अमेरिकी गृह सुरक्षा सचिव क्रिस्टी नोएमले अमेरिकी सेनाले भेनेजुएलाको तट नजिकै अर्को एक तेल ट्याङ्कर कब्जा गरेको बताएका छन् ।
यो दोस्रो पटक हो जब अमेरिकी सेनाले भेनेजुएलासँग सम्बन्धित तेल ट्याङ्कर कब्जा गरेको छ । यसअघि डिसेम्बर १० मा पनि अमेरिकी सेनाले भेनेजुएलाको तट नजिकै एक तेल ट्याङ्कर कब्जा गरेको थियो । जसलाई भेनेजुएला सरकारले स्पष्ट चोरी र अन्तर्राष्ट्रिय समुन्द्री डकैतीको संज्ञा दिएको थियो । अमेरिकी राष्ट्रपति डोनाल्ड ट्रम्पले भेनेजुएलामा आउने–जाने सबै अमेरिकी प्रतिबन्धित तेल ट्याङ्करहरूको पूर्ण नाकाबन्दीको आदेश दिएका थिए। ट्रम्पले पछि एक अन्तर्वार्तामा अमेरिकाले थप तेल ट्याङ्करहरू कब्जा गर्न जारी राख्ने बताएका छन् । यो कदमले अमेरिका र भेनेजुएला बीचको तनावलाई थप बढाएको छ ।
भेनेजुएला सरकारले यी कार्यहरूलाई अन्तर्राष्ट्रिय कानूनको उल्लङ्घन र समुन्द्री डकैतीको रूपमा निन्दा गरेको छ । यो घटनाले भेनेजुएलाको तेल निर्यातमा ठूलो असर पारेको छ । किनकि भेनेजुएलाको अर्थतन्त्र मुख्य रूपमा तेलमा निर्भर छ ।
प्रकाशित मिति: ७ पुष २०८२, सोमबार
