१८ आश्विन २०८२, शनिबार
एजेन्सी । अमेरिकी राष्ट्रपति डोनाल्ड ट्रम्पको शान्ति प्रस्तावमा सशर्त सहमति जनाउँदै हमासले सबै बन्दीहरू तत्काल रिहा गर्ने निर्णय गरेको छ । यससँगै गाजाको शासनसत्ता पनि प्यालेस्टाइन अथोरिटीलाई हस्तान्तरण गर्ने तयारी भएको छ ।
टर्की र कतारको दबाबपछि आएको यो सहमतिको कारण युद्धविरामको वातावरण बनेको बताइन्छ । हमासले पूर्ण निःशस्त्रीकरणजस्ता ट्रम्पका अन्य प्रस्ताव भने अस्वीकार गरेको छ ।
यो सहमतिले सन् २०२३ अक्टोबर ७ को आक्रमणपछि हमासको कब्जामा रहेका ४८ बन्दी, जसमा नेपाली विद्यार्थी विपिन जोशी पनि छन्, छिट्टै मुक्त हुने आशा जगाएको छ ।
प्रकाशित मिति: १८ आश्विन २०८२, शनिबार
