३ भाद्र २०८२, मंगलवार
वासिङ्टन डिसी । अमेरिकी विदेश मन्त्रालयले ६ हजारभन्दा बढी विदेशी विद्यार्थीको भिसा रद्द गरेको छ। कानुन उल्लङ्घन तथा भिसा म्याद सकिएपछि पनि अमेरिकामै बस्ने गरेको कारण देखाइएको छ।
रद्द गरिएका भिसामध्ये करिब ४ हजार कानुन उल्लङ्घन (कुटपिट, मदिरा सेवन गरेर गाडी चलाउने, लुटपाटजस्ता अपराध)सँग सम्बन्धित छन् भने २००–३०० विद्यार्थीको भिसा आतंकवादसम्बन्धी कारण देखाएर खारेज गरिएको छ।
ट्रम्प प्रशासनले गैरकानूनी आप्रवासन र विदेशी विद्यार्थीमाथि कडाइ गरिरहेका बेला यो कदम चालिएको हो। आवेदकहरूलाई सामाजिक सञ्जाल खाता समेत पब्लिक बनाउनुपर्ने नियम पनि लागू गरिएको छ।
प्रकाशित मिति: ३ भाद्र २०८२, मंगलवार
