३० श्रावण २०८२, शुक्रबार
महिलाको मन जित्न महँगो गाडी वा बैंक ब्यालेन्स मात्र चाहिँदैन, बरु केही बानी र स्वभावले नै उनीहरूलाई सजिलै आकर्षित गर्न सकिन्छ भन्ने अध्ययन सार्वजनिक भएको छ। मनोविज्ञहरूले महिलाको प्राथमिकता बुझ्न गरेका सर्वेक्षणअनुसार, पुरुषका केही सामान्य तर प्रभावकारी बानीले उनीहरूको ध्यान तत्काल तान्ने गरेको बताएका छन् ।
यस्ता पुरुष प्रति छिट्टै आकर्षित हुन्छन् महिलाहरु :
१. आत्मविश्वासी तर अहंकारी व्यवहार नदेखाउने
आत्मविश्वासले भरिएको तर अहंकाररहित पुरुषप्रति महिलाको आकर्षण बढी हुने मनोविज्ञान विज्ञ डा. माया श्रेष्ठ बताउँछिन्। “सिधा आँखामा हेरेर आत्मविश्वासपूर्वक कुरा गर्ने बानी महिलालाई सुरक्षित र सम्मानित महसुस गराउँछ,” उनले भनिन्।
२. साँचो सुन्ने क्षमता
महिलाले आफ्ना कुरा ध्यानपूर्वक सुन्ने र बीचमा अनावश्यक हस्तक्षेप नगर्ने पुरुषलाई बढी रुचाउँछन्। यो बानीले उनीहरूलाई आफूलाई मूल्यवान् ठानिएको अनुभूति गराउँछ।
३. सानो–सानो सहयोगमा तत्परता
ढोका खोलेर दिनु, भारी बोक्न सहयोग गर्नु वा सामान्य अवस्थामा पनि सहयोगको भावना देखाउनु — यी साना व्यवहारहरूले महिलालाई हर्षित बनाउने अध्ययनले देखाएको छ।
४. राम्रो हाँसो र हल्का ह्युमर
सकारात्मक सोच र हल्का मजाक गर्ने बानीले सम्बन्धलाई सहज बनाउँछ। “महिलालाई हसाउने पुरुषप्रति तिनको आकर्षण दीर्घकालीन हुन्छ,” विज्ञहरू बताउँछन्।
५. सफा र सुसज्जित रहनु
कपडाको सफाइ, शरीरको हाइजिन र सुवास — यी सबैले पुरुषको छवि सुधारेर महिलाको मनमा सकारात्मक प्रभाव पार्छ।
६. इमानदारी र वाचा पूरा गर्ने बानी
बोलिएको कुरा पुरा गर्ने र छलकपट नगर्ने स्वभाव महिलाले दीर्घकालीन सम्बन्धको लागि पहिलो प्राथमिकतामा राख्छन्।
धेरैले सोचेजस्तो महँगो उपहार वा ठूला–ठूला वाचा मात्र होइन, बरु दैनन्दिन जीवनका साना तर सकारात्मक बानीहरूले नै महिलाको मन जित्ने र उनीहरूलाई हुरुक्क बनाउने गरेको छ।
एजेन्सीको सहयोगमा /
प्रकाशित मिति: ३० श्रावण २०८२, शुक्रबार
