२६ श्रावण २०८२, सोमबार
काठमाडौं । पछिल्ला दिनमा लोकगीत–संगीतमा मौलिकता हराउँदै गइसकेको चर्चा भइरहेका बेला सर्जक बिष्णु भण्डारीले आफ्नो नयाँ तीज गीत ‘काला पोखरा’ सार्वजनिक गरेका छन्। गीतमा भण्डारीकै मीठो संगीत र थेगोहरू समावेश छन् भने शब्द राधिका पन्त भण्डारीको र स्वर सिमा नेपालीको रहेको छ।
महेन्द्र भण्डारीको संगीत संयोजनमा तयार भएको यो गीत बिष्णु भण्डारीको आधिकारिक युट्युब च्यानलमार्फत सार्वजनिक गरिएको हो। दिनेश बिष्ट निर्देशित भिडियोमा सेर साउदले कोरियोग्राफी गरेका छन्।
धुर्कोट वस्तुका महिला दिदीबहिनीहरूको आकर्षक अभिनय र नृत्यले भिडियोमा स्थानीयपन थपेको छ। जन्मस्थानको माया र आफ्नो पन झल्काउने यो गीतमा माटोको सुगन्ध र मौलिकताको आत्मीयता प्रष्टै अनुभूत गर्न सकिन्छ।
प्रकाशित मिति: २६ श्रावण २०८२, सोमबार
