नुहाउँदा गरिने यस्ता गल्तीहरू: जसले निम्त्याउन सक्छ हृदयघात सम्मको जोखिम !

काठमाण्डौ। दैनिक जीवनको अत्यन्तै सामान्य जस्तो देखिने नुहाउने बानीले स्वास्थ्यमा गम्भीर समस्या निम्त्याउन सक्छ भन्ने कुरा थोरैलाई मात्र थाहा हुन्छ। नुहाउँदा गरिने केही सामान्य गल्तीहरूले छाला रोग, ज्वरो, जोर्नी दुखाइदेखि हृदयघातसम्मका जोखिम निम्त्याउन सक्छन्।

नुहाउँदा हुने आम गल्तीहरू र तिनले निम्त्याउने खतराहरु यस्ता छन् :

१. अत्यधिक तातो पानीले नुहाउने:

-तातो पानीले नुहाउँदा छालाको प्राकृतिक तेल  नष्ट हुन्छ, जसले गर्दा छाला सुख्खा र चिलाउने समस्या हुन्छ।

-रक्तचाप अचानक घट्न सक्ने भएकाले उच्च रक्तचाप र मुटुको रोगीलाई हृदयघातको जोखिम हुन्छ।

२. खाना खाइसकेपछि तुरुन्तै नुहाउने:

-खाना खाइसकेपछि नुहाउँदा रक्तसञ्चार पेटबाट छालातिर मोडिन्छ, जसले पाचनमा समस्या ल्याउन सक्छ।

-पेट फुल्ने, अपच र वाकवाकी जस्ता समस्याहरू देखिन सक्छन्।

३. चिसो पानीले अचानक नुहाउने (विशेष गरी बिहानै):

-चिसो पानीले अचानक नुहाउँदा रक्तनलीहरु खुम्चिने  हुँदा मस्तिष्क र हृदयमा रक्तसञ्चार प्रभावित हुन सक्छ।

-मुटुका बिरामीहरूमा हार्ट अट्याकको खतरा हुन्छ।

४. लामो समयसम्म नुहाउँदै बस्ने:

-लामो समय पानीमा बस्नाले छालाको सुरक्षात्मक परत  नष्ट हुन्छ।

-यसले गर्दा ब्याक्टेरिया र फंगल इन्फेक्सनको जोखिम बढ्छ।

५. पटक–पटक साबुन र शैम्पूको अत्यधिक प्रयोग:

-अत्यधिक साबुन र केमिकलयुक्त शैम्पूले छालामा एलर्जी र डन्डिफोर  निम्त्याउन सक्छ।

-चाउरीपना  आउन सक्छ।

६. पसिना पसिने बेलामा तुरुन्तै नुहाउने:

-अत्यधिक पसिना बगिरहेको बेलामा तुरुन्तै चिसो पानीले नुहाउँदा सर्दी, ज्वरो र स्नायु खुम्चिने समस्या हुन सक्छ।

नुहाउँदा ध्यान दिनुपर्ने सावधानीहरू:

-मध्यम तापक्रमको पानी प्रयोग गर्नुहोस्।

-खाना खाएपछि कम्तिमा ३० मिनेट पछि मात्र नुहाउनुहोस्।

-नुहाउनुभन्दा पहिला शरीरलाई सामान्य तापक्रममा ल्याउनुहोस्।

-नरम साबुन र शैम्पूको प्रयोग गर्नुहोस्।

-हप्तामा २-३ पटक मात्र शैम्पू प्रयोग गर्नु उचित हुन्छ।

नुहाउने बानीले शरीरलाई ताजगी र स्वच्छता दिन्छ, तर सामान्य गल्तीहरूले गम्भीर स्वास्थ्य समस्या निम्त्याउन सक्छ। तसर्थ, सजग रहनुहोस्।