Trending
>>   सर्वोच्चले दानबहादुर कार्कीलाई दिएन अन्तरिम आदेश >>   पार्टीप्रति जनविश्वास फर्काउन कमजोरी सच्याउनुपर्छः एमाले सचिव अर्याल >>   एमाले फेरि सरकारमा फर्किन्छ, मूल ढोकाबाटै सिंहदरबार पस्छौँः केपी ओली >>   रास्वपालक्षित ओलीको टीप्पणीः ‘चुनाव लड्ने क्लव बनाएर हामीसँग प्रतिष्पर्धा गर्दैछन्’ >>   काठमाडौं–तराई द्रुतमार्गको ५१ प्रतिशत निर्माण सम्पन्न, महादेवटार सुरुङको ब्रेकथ्रु >>   काठमाडौं–तराई द्रुतमार्गले गुणात्मक परिवर्तन ल्याउँछः राष्ट्रपति पौडेल >>   चीनको सहयोगमा निजामती अस्पतालमा मोतियाबिन्दुको शल्यक्रिया सेवा विस्तार हुँदै >>   तातोपानी नाकालाई पूर्ववत अवस्थामा सञ्चालनमा ल्याउन सरकारले विशेष पहल गर्नुपर्छः सांसद पराजुली >>   केपी ओली भन्छन्, ‘केपी ओली, देउवा र प्रचण्डलाई थुन्दिन्छु रे ! मजाकको पात्र हौँ हामी… >>   पत्रकार महासंघले गर्‍यो आन्दोलनका कार्यक्रम घोषणा
Logo
२ मंसिर २०८३, बुधबार
२ मंसिर २०८३, बुधबार

शहरी विकास मन्त्रीले काठमाडौंमा गाई जात्रा गरेः प्रकाश ज्वाला


काठमाडौँ। नेकपा (एकीकृत समाजवादी)का सांसद प्रकाश ज्वालाले सहरी विकास मन्त्री प्रकाशमान सिंहले स्वर्गीय गणेशमान सिंहको अपमान गरेको टिप्पणी गरेका छन् ।

आईतवार बसेको प्रतिनिधि सभा बैठकमा बोल्दै उनले यस्तो बताएका हुन् । उनले गणेशमानको नाममा करिव ५७ करोड बजेट विनियोजन भएको भन्दै आपत्ति जनाए । उनले उत्पादनमूलक र युवाहरूलाई रोजगारी दिने कार्यक्रममा नभई अनुत्पादक संरचनाहरू बनाउने नाममा प्रकाशमानले गणेशमानको बदनाम गरेको बताए । उनले मन्त्री सिंहले सबैले सम्मान गर्ने गणेशमान र मङ्गलादेवीको अपमान गरेको बताउँदै रोष्टमबाट माफी माग्न समेत आग्रह गरे । उनले शहरी विकास मन्त्रालयले परिभाषा अनुसारको काम नगरेको आरोप लगाउँदै आफ्ना रुचि, आसेपासे र वरिपरिका मान्छेका लागि विभिन्न शीर्षकमा योजनाहरू थुपारिएको बताएका छन् । उनले सहरी विकास मन्त्रालय भरौटेहरूलाई पाल्ने र विचौलियाहरूले कमाइ खाने भाँडो बनाइएको भन्दै ज्यादती र बेथिति भइरहेको जिकिर गरे ।

उनले भने, “आज सहरी विकास मन्त्रालयको पनि विषय रहेछ । परिभाषा अनुसारकै काम गरिरहेको छैन सहरी विकास मन्त्रालयले । आफ्ना रुचिका, आफ्ना आसेपासेका लागि, आफ्ना वरिपरिका मान्छेहरूका लागि कहाँ कहाँबाट घुमाएर पैसा हाल्न सकिन्छ, जुन सुकै शीर्षकमा पनि योजनाहरू थुपारेर आफ्ना भरौटेहरूलाई पाल्ने, पोस्ने र बिचौलियाहरूले कमाइ खाने भाँडो बनाइएको छ, सहरी विकास मन्त्रालय । यस्तो खालको ज्यादती, बेथिति, यसको पनि एउटा हद हुन्छ नि । माननीय मन्त्री ज्यू सिनियर हुनुहुन्छ, के गर्नुभएको ? गणेशमानको नाममा करिब ५७ करोड बजेट ? कुनै उत्पादनमूलक काममा होइन, युवाहरूलाई रोजगारी दिने कार्यक्रममा होइन, अनुत्पादक संरचनाहरू बनाउने नाममा गणेशमानलाई बदमान गर्नुभयो तपाईँले । तपाईँ माग्नुस्, यो रोष्टमबाट । गणेशमानलाई सबैले सम्मान गर्छन्, तपाईँले अपमान गर्नुभयो । मङ्गलादेवीलाई तपाईँले अपमान गर्नुभयो ।”

उनले स्वर्गीय पुष्पलालको नाममा ७० लाख विनियोजन गरेर शहरी विकास मन्त्रीले काठमाडौंमा गाई जात्रा गरेको टिप्पणी समेत गरे ।


प्रकाशित मिति: ८ असार २०८२, आईतवार

यो खबर पढेर तपाईलाई कस्तो महसुस भयो ?