२९ बैशाख २०८२, सोमबार
काठमाडौँ। प्रधानमन्त्री केपी शर्मा ओलीले बुद्धका शिक्षाहरु सरल रहेको बताएक छन् ।
सोमवार स्वयम्भूस्थित आनन्दकुटी विहारमा आयोजित सार्वजनिक बौद्धसभामा बोल्दै प्रधानमन्त्री ओलीले बुद्धका शिक्षाहरु जटिल नरहेको बताएका छन् । उनले झुटो नबोल, असत्य मार्ग नहिँड, असत्य नबोल, हिंसा नगर, कसैप्रति अन्याय नगर जस्ता सहज शिक्षाहरु रहे पनि अपनाउन कठिन रहेको बताएका छन् ।
प्रधानमन्त्री ओलीले भने, ‘बुद्धका शिक्षाहरु सरल छन् । एकदम जटिल होइन । एकदम सरल छन् । झुटो नबोल, असत्य मार्ग नहिँड, असत्य नबोल, हिंसा नगर, कसैप्रति अन्याय नगर, सजिलो छ । नराम्रा काम गर्दै नगर । राम्रा कामहरु मात्रै गर । सजिला छन्ः बुद्धका शिक्षाहरु अपनाउन मात्रै गाह्रो हो । सुन्दा सजिला, यो कुन ठूलो कुरा हो जस्तो । तर अपनाउन अलिकति कठिन छन् । हामी ति कुराहरु अपनाऔँ ।’
प्रधानमन्त्री ओलीले बुद्धका शिक्षा अपनाउनुमा नै मानव जातीको कल्याण रहेको बताएका छन् ।
प्रकाशित मिति: २९ बैशाख २०८२, सोमबार
