९ चैत्र २०८१, शनिबार
काठमाडौं । लामो समयदेखि मौन रहेका रास्वपा सभापति रवि लामिछानेले देश संकटमा रहेको भन्दै क्रान्तिका लागि तयार रहन आह्वान गरेका छन् । काठमाडौं जिल्ला अदालतको आदेशविरुद्ध उच्च अदालत पाटनमा शुक्रबार निवेदन दर्ता गराएपछि पूर्वगृहमन्त्रीसमेत रहेका लामिछानेले सञ्चारकर्मीसँग कुरा गर्दै देश संकटमा परेको भन्दै क्रान्तिका लागि तयार रहन अपिल गरेका हुन् ।
काठमाडौं जिल्ला अदालतको धरौटी मागको आदेशविरुद्ध उच्च अदालत पाटनमा शुक्रबार निवेदन दर्ता गराएपछि रवि लामिछानेले सञ्चारकर्मीसँग भने– यो देशको भविष्य अब तपाईं–हाम्रो पुस्ताको हातमा आउँदै छ । अहिले गम्भीर हुने समय हो । म तपाईंलाई हेडलाइन दिन्नँ, म लाइफलाइनको कुरा गर्दै छु । अहिले हेडलाइनको चिन्ता गर्ने वेला होइन, न त पक्ष–विपक्षमा बाँड्ने समय हो । सरकारको लाज छोप्न म अदालतहरूमा पुगिरहेको छु । ठाउँ–ठाउँमा जानुपर्ने बाध्यता छ, तर चाँडै समय आउँदै छ । सबैलाई तयार रहन आग्रह गर्छु– गेट रेडी फर द रिभोलुसन !
प्रकाशित मिति: ९ चैत्र २०८१, शनिबार
