१९ माघ २०८०, शुक्रबार
काठमाडौं। छैटौँ संस्करणको प्रधानमन्त्री कप एक दिवसीय राष्ट्रिय क्रिकेट प्रतियोगिताको विजेताले १० लाख रुपैयाँ नगद पुरस्कार पाउने भएको छ । नेपाल क्रिकेट संघ (क्यान)ले विजेताले १० लाख र उपविजेताले ५ लाख रुपैयाँ पाउने जानकारी दिएको छ ।
उक्त प्रतियोगिताको सर्वोत्कृष्ट खेलाडीले ५० हजार, उत्कृष्ट बलर र ब्याटरले समान २० हजार प्राप्त गर्नेछन् भने उदीयमान खेलाडीले १० हजार प्राप्त गर्नेछन् । त्यसैगरी, फाइनलमा शनिबार नेपाल पुलिस क्लब र त्रिभुवन आर्मी क्लबबीच प्रतिस्पर्धा हुनेछ भने पुलिस अपराजित रहँदै र आर्मी १४ अंकका शीर्ष दुईमा रहेर फाइनल खेलेको हो ।
त्यस्तै,२०१७ को पहिलो संस्करणमा पुलिस र आर्मीले फाइनलमा वर्षाको कारण उपाधि बाँडेका थिए । २०१९ मा पुलिसले फाइनलमा आर्मीलाई हराउँदै उपाधि जितेको थियो भने २०२१ को फाइनलमा आर्मीले एपीएफलाई हराउँदै उपाधि जितेको थियो ।
प्रकाशित मिति: १९ माघ २०८०, शुक्रबार
