लेबनानमा नेपाली शान्ति सेनामाथि आक्रमण ! उपरथी ढकाल घाइते

काठमाडाैं । लेबनानको राजधानी बेरुतमा नेपाली शान्ति सेनामा आ’क्र’मण भएको छ। शान्ति मिसनमा कार्यरत नेपाली सेनाका उपरथी चोकबहादुर ढकाल, जो युनिफिल (युनाइटेड मिसन इन्टरिम फोर्स इन लेबनान) मा आफ्नो दुई वर्षे कार्यकाल पूरा गरी शनिबार स्वदेश फर्कन तयारीमा थिए, आ’क्र’मणमा घाइते भएका छन्।

उनको सवारी साधनलाई उत्तेजित प्रदर्शनकारीहरूले रोकेर आ’क्र’मण गरेका थिए। उपरथी ढकाल सवार गाडीलाई पहिलो गाडी क्रस गर्ने बित्तिकै प्रदर्शनकारीहरूले रोकेपछि गाडीमा आगोको लप्काले लग्न थालेको थियो। सुरक्षाकर्मीहरू सवारी साधनको अगाडि र पछाडि रहेको जिपले गाडीको इस्कर्ट गरिरहेका थिए।

घटनापछि, उपरथी ढकाललाई ‘यूएन लेभल–३’ अस्पतालमा उपचारका लागि पुर्याइएको थियो र अस्पतालले उनकाे स्वास्थ्य जोखिममुक्त रहेको जनाएको छ। ढकाल आफ्नो कार्यकाल सकेर स्वदेश फर्किने क्रममा थिए र नाकुरास्थित युनिफिल फोर्स हेडक्वार्टरमा शुक्रबार विदाइ कार्यक्रम गरिएको थियो।