१२ माघ २०८१, शनिबार
आइन्स्टाइनको ड्राइभरले एक दिन उनलाई भने, “सर, तपाईंले हरेक सभामा दिएको भाषण मैले कण्ठ गरेको छु।”आइन्स्टाइन छक्क परे! त्यसपछि उनले भने, “ठीक छ, म अर्को बैठकमा जहाँ जाँदैछु, उनीहरूले मलाई चिन्दैनन्। तपाईंले मेरो ठाउँमा भाषण दिनुहोस् र म चालक हुनेछु।”
भोलिपल्ट बैठकमा त्यस्तै भयो। चालक स्टेजमा चढे र आइन्स्टाइनले जस्तै आत्मविश्वासका साथ भाषण दिए। दर्शकले चर्को ताली बजाए। चालकको अभिनय यति प्रभावकारी थियो कि सबैले उनलाई आइन्स्टाइन नै ठाने।
तर बैठक सकिएपछि, एकजना प्रोफेसरले प्रश्न गरे, “सर, तपाईले भनेको कुरालाई एक पटक फेरि संक्षेपमा स्पष्ट पार्न सक्नुहुन्छ?”वास्तविक आइन्स्टाइनले यो सुन्दा ठूलो खतरा महसुस गरे। अब त चालकलाई पक्रिन्छन् भन्ने लाग्यो।
तर चालकले हाँस्दै जवाफ दिए, “तपाईंलाई यो साधारण कुरा पनि थाहा छैन? यो त यति सजिलो छ कि मेरो ड्राइभरले पनि तपाईंलाई व्याख्या गर्न सक्छन्।”त्यसपछि उनले वास्तविक आइन्स्टाइनतिर इशारा गरे।
प्रकाशित मिति: १२ माघ २०८१, शनिबार
