५ माघ २०८१, शनिबार
रास्वपाका भाइरसहरू चिन्नुहोस् :
यिनी हुन् भरतमणि देवकोटा । पार्टीको अनुशासन आयोगको प्रमुख । यिनी मेरै सिफारिसमा तत्कालित उपप्रधान तथा गृहमन्त्री रवि लामिछानेको सचिवालय प्रमुख भएका थिए । कुरा राम्रै चल्दै थियो, राजदुतको भागबन्डामा पार्टीलाई दुइ जना राजदुत पर्यो । आफूलाई राजदुत बनाउनै पर्छ भनेर अड्डि कसे । म समीक्षा यात्रामा भएका कारण मैले त्यता ध्यान दिइन र गृहमन्त्रीसँगै कुरा गर्नु भनिदिए । मैले सोचे कुरा सकियो, तर कुरा बाँकी नै रहेछ ।
यात्राको क्रममा मैले अनुशासन आयोगलाई प्रश्न सोधे, बाहिर के बोल्न मिल्छ, के मिल्दैन । जवाफ दिएनन् । मेरो नाममा उल्टै आफैँ मिडिया बाजी गर्दै हिँडे र ममाथि आरोप थुपारे (सभापतिलाई तत्कालै जानकारी गराएको थिए, मेसेजको स्क्रिनसट मसँग सुरक्षित छ) ।
समीक्षा यात्राको क्रममा पार्टीका आम सदस्यहरूले यिनको भूमिकामा प्रश्न गरे । यात्राका क्रममा भएका बैठकमा सहभागी साथीहरू प्रमाण हुनुहुन्छ । अनुशासन आयोगमार्फत पार्टीमा दुषित राजनीति गरिराखेको छन् भनेर मेले साथीहरूको भनाइलाई जस्ताको तस्तै प्रतिवेदनमा उतारे ।
यिनी पार्टीको केन्द्रीय कार्यलयको घरबेटी पनि हुन् । पार्टीलाई टन्न ऋण थुपारेका छन्, र पार्टीलाई त्यहि ऋण देखाएर एक पक्षिय निर्णयहरू गराउँदै हिँडेका छन् । घरबेटी बा, रास्वपा सक्ने तपाईंको योजना पूरा हुने छैन। राजदुत नपाएकै आधारमा तपाईंले लिन खोजेको पार्टी प्रतिको प्रतिषोध विफल हुनेछ ।
प्रकाशित मिति: ५ माघ २०८१, शनिबार
