४ माघ २०८१, शुक्रबार
काठमाडौँ । चर्चित गायिका मेलिना राईले आज (शुक्रबार) उनका प्रेमी ध्रुव गुरुङसँग परम्परागत रूपमा गोकर्णेश्वरको हिमाली घर रिसोर्टमा विवाह गर्न लागेकी हुन् ।
दिउँसो १ बजेदेखि सुरु हुने विवाह समारोहमा दुवै तर्फका नजिकका आफन्त, गायक गायिकाको अलवा फिल्मकर्मी पनि सहभागी हुनेछन् । विवाह समारोह स्थलको सजावट बिहीबार नै गरिएको छ । विवाहस्थल प्रवेश गेट मेलिना र ध्रुवको नाम लेखेर फूलैफूलले सजाइएको छ ।
उनीहरुको इन्गेजमेन्ट केही दिन अगाडि गरेका भए पनि बिहिबार इन्गेजमेन्टको फोटो सार्वजनिक भएको थियो , जसमा मेलिना परम्परागत पहिरनमा ठाँटिएकी छिन् ।
विवाह गर्न लागेकी मेलिनालाई सामाजिक सञ्जालबाट सेलिब्रेटी तथा सर्वसाधारणले बधाई तथा शुभकामना दिइरहेका छन् ।
प्रकाशित मिति: ४ माघ २०८१, शुक्रबार
