२८ पुष २०८१, आईतवार
काठमाडौँ। पाकिस्तानको उत्तरपश्चिम खैबर पख्तुनख्वा प्रान्तमा शनिवार भएको सडक दुर्घटनामा १२ जनाको मृत्यु र ११ जना घाइते भएको उद्धार अधिकारीहरूले बताएका छन् ।
घटना काराक जिल्लाको मुख्य राजमार्गमा भएको हो। ब्रेक फेल हुँदा एउटा ट्रेलर यात्रुवाहक भ्यान सहित धेरै सवारी साधनहरूमा ठोक्किएको उद्धार ११२२ का प्रवक्ता बिलाल फैजीले बताएका छन् । फैजीले घाइतेहरूलाई नजिकैको अस्पतालमा लगिएको बताए ।
पाकिस्तानमा सडक दुर्घटनाहरू वर्षौंदेखि बारम्बार र गम्भीर हुँदै गएका छन् । लापरवाह ड्राइभिङ, खराब सडक अवस्था र उचित सवारी साधन मर्मतसम्भारको अभाव उच्च दुर्घटना दरको मुख्य कारणहरू हुन् ।
प्रकाशित मिति: २८ पुष २०८१, आईतवार
