२२ पुष २०८१, सोमबार
काठमाडौँ । इजिप्टका विदेशमन्त्री बद्र अब्देलाट्टीले अमेरिकी विदेशमन्त्री एन्टोनी ब्लिन्केनसँग फोन वार्ता गरेका छन् ।
दुई मन्त्रीहरुले गाजापट्टी र सिरियाको घटनाक्रमबारे छलफल गरे। वार्तामा अब्देलाट्टीले गाजामा तत्काल युद्धविराम हासिल गर्न र एन्क्लेभमा मानवीय सहायताको निर्वाध पहुँच सुनिश्चित गर्न क्षेत्रीय र अन्तर्राष्ट्रिय प्रयासहरू जारी राख्ने महत्वमा जोड दिए ।
इजिप्टका विदेशमन्त्रीले इजरायलले प्यालेस्टिनी जनताप्रतिको आक्रामक नीतिहरू बन्द गर्नुपर्ने आवश्यकतालाई जोड दिँदै इजरायलले गाजामा स्वास्थ्य पूर्वाधार र अस्पतालहरूलाई व्यवस्थित रूपमा लक्षित गरेको कुरालाई इजिप्टले पूर्णरूपमा अस्वीकार गरेको बताएका छन् ।
इजरायलले अक्टोबर ७, २०२३ मा दक्षिणी इजरायली सिमानामा हमास लडाकुहरूले गरेको आक्रमणको बदला लिन गाजामा जारी ठूलो मात्रामा आक्रमण शुरु गरेका छन् । जसमा करिव १ हजार २ इजरायलीहरू मारिएका थिए र लगभग २५० जनालाई बन्धक बनाएका थिए ।
त्यसयता गाजामा इजरायली युद्धमा ४५ हजार ८०५ प्यालेस्टिनी मारिएका छन् । १ लाख ९ हजार ६४ जना घाइते भएका छन् । संयुक्त राष्ट्र मानव अधिकार कार्यालयले नोभेम्बर २०२३ देखि अप्रिल २०२४ सम्म प्रमाणित गरेको ८ हजार ११९ पीडितमध्ये ७० प्रतिशत महिला र बालबालिका रहेको बताएका छन् ।
दुई अधिकारीहरूले डिसेम्बर २०२४ को शुरुमा पूर्वराष्ट्रपति बसर अल–असदको सरकारको पतन पछि सिरियामा राजनीतिक संक्रमणलाई पनि सम्बोधन गरेका छन् । इजिप्टको विदेश मन्त्रालयकाअनुसार अब्देलाट्टीले सिरियामा सुरक्षा र स्थायित्व हासिल गर्न योगदान पुर्याउने र यसको एकता र क्षेत्रीय अखण्डताको ग्यारेन्टी गर्ने तरिकाले कुनैपनि वाह्य आदेशबाट मुक्त व्यापक राजनीतिक संक्रमण प्रक्रियाका लागि आग्रह गरेका छन् ।
प्रकाशित मिति: २२ पुष २०८१, सोमबार
