५ पुष २०८१, शुक्रबार
काठमाडौँ। यमनको राजधानी शहर साना र पश्चिमी प्रान्त होदेइदाहको रेड सी बन्दरगाहमा बिहीवार इजरायली हवाई आक्रमणमा नौ जनाको मृत्यु भएको छ ।
अस–सलिफ बन्दरगाहमा सात जनाको मृत्यु भएको र रस इस्सा तेल सुविधाको बन्दरगाहमा दुई जना मारिएका छन् । सानामा अल–मासिराह टिभीले इजरायली हवाई आक्रमणले सानाको दक्षिण र उत्तरमा क्रमशः हिजियाज र धाबान पावर स्टेशनहरूलाई निशाना बनाएको बताएका छन् ।
उत्तरी यमनको धेरैजसो भाग नियन्त्रण गर्ने हुथी समूहले इन्धन र खाना पकाउने ग्यास आयात गर्न र आफ्नो नियन्त्रणमा रहेका क्षेत्रका बासिन्दाहरूलाई बेच्न रस इस्सा र अस–सलिफ बन्दरगाहहरू प्रयोग गर्दछन् ।
अक्टोबर २०२३ देखि हुथी सेनाहरूले प्यालेस्टिनीहरूको समर्थनमा इजरायलमा ड्रोनहरू र सतहदेखि सतहमा मार हान्ने मिसाइलहरूसहित आक्रमण गर्दै आएका छन् ।
प्रकाशित मिति: ५ पुष २०८१, शुक्रबार
