पुस्तकालय हाेइन आइडिया सेन्टर

गगन थापा

पार्टी कार्यालयमा रहेको पुस्तकालय साथै पार्टी स्रोत केन्द्र जसलाई हामीले पुस्तकालय मात्र नभएर एउटा आइडिया सेन्टरका रूपमा प्रयोग गर्दै आइरहेका छौं। यहाँ हामी शिक्षा, स्वास्थ्य, पूर्वाधार लगायतका विविध विषयहरूमा संवाद, छलफल तथा अन्तरक्रिया गर्छौं। हामी यहाँ हाम्रा राज्य-प्रशासन देखी साना-ठुला सरोकार र समस्याहरु बारे बुझ्ने, समाधान खोज्ने प्रयास गर्छौं।

यही क्रममा “कहाँबाट आउँछन् योजना” बाट सुरु भएको पूर्वाधार मीमांसाको तेस्रो संस्करणमा हामीले ‘सडकको दुखान्त’ शीर्षकमा विज्ञहरूका कुरा सुन्यौँ। नेपालमा पूर्वाधार किन समयमा बन्दैनन्, र बनेमा पनि किन टिकाउ बन्दैनन् भन्ने विषयमा छलफल गर्न – नेपाल सरकारका पूर्व सचिव इन्जिनियर अर्जुन थापा , नेपाल नगरपालिका सङ्घ का अध्यक्ष भीम ढुङ्गाना , आइ ओ इ का ट्रान्सपोर्टेसन विभाग प्रमुख उप प्राध्यापक इन्जिनियर अनिल मरासिनी ले सडक पूर्वाधार का विविध आयाम माथि आफ्ना दृष्टिकोण राख्नु भयो।

मिमांशाको यो क्रम निरन्तर जारी रहने छ। यस्ता छलफल र छलफल बाट प्राप्त विषय हाम्रो पार्टीका पुँजी हुन। यो सबै प्रक्रिया विभिन्न तहको सरकारमा बसेर काम गरिरहेका हामी जनप्रतिनिधि तथा राजनीतिक नेतृत्वलाई राज्य प्रशासन संचालन गर्ने, निति नियम बनाउने क्रममा उपयोगी भएको छ।